Galaxy S10 Lite ស្មាតហ្វូនបិទទំព័រឆ្នាំ ២០១៩ អាចនឹងប្រកាសនៅខែធ្នូ
- 2019-11-21 06:59:14
- ចំនួនមតិ 0 | ចំនួនចែករំលែក 0
Galaxy S10 Lite ស្មាតហ្វូនបិទទំព័រឆ្នាំ ២០១៩ អាចនឹងប្រកាសនៅខែធ្នូ
ចន្លោះមិនឃើញ
មួយរយៈចុងក្រោយមានការលេចលឺឥតឈប់ជុំវិញត្រកូលសិស្សប្អូន S10 Lite ដែលល្ហិចល្ហៀងថាក្រុមហ៊ុន Samsung នឹងធ្វើការផ្លាស់ប្តូរលើផ្នែកមួយចំនួន ជាមួយការដាក់លក់នូវតម្លៃធូរថ្លៃជាងប្រភេទ S10/S10 Plus ធម្មតា។
តាមដំណឹងចុងក្រោយបានឲ្យដឹងថាក្រុមហ៊ុនយក្សកូរ៉េខាងត្បូងទំនងជាប្រកាស S10 Lite នៅអំឡុងខែធ្នូ ចុងឆ្នាំ ២០១៩ ឬអាចពន្យារចូលដល់ដើមឆ្នាំ ២០២០ យ៉ាងយូរបំផុត ពោលគឺនឹងមិនទុកដល់កៀកព្រឹត្តិការណ៍ប្រកាស Galaxy S11 នាអំឡុងខែកុម្ភៈឬមិនាឡើយ។
ជាមួយលក្ខណៈសម្បត្តិម៉ាស៊ីនច្បាស់ការចុងក្រោយគឺ S10 Lite នឹងប្រើប្រាស់លេខម៉ាស៊ីន SM-G770F មកជាមួយបន្ទះឈីប Qualcomm Snapdragon 855 អម Sensor កាមេរ៉ាក្រោយ ៣ គ្រាប់ទំហំ 48MP+5MP+12MP និងខាងមុខមួយគ្រាប់ទំហំ 32MP។ នេះបើតាមការចុះផ្សាយដោយគណនី Ishan Agarwal លើបណ្តាញសង្គម Twitter។
បន្ថែមពីនេះ S10 Lite ក៏ទំនងនឹងប្រើប្រាស់អេក្រង់ Super AMOLED ទំហំ ៦,៧ អ៊ីញ ខណៈ RAM ទំហំ 8GB និងអង្គផ្ទុក 128GB ជាមួយថាមពលថ្ម ៤ ៣០០mAh និងប្រព័ន្ធសាកថ្មរហ័សកម្លាំង ៤៥ វ៉ាត់ផងដែរ។ ចំពោះតម្លៃយើងនឹងលម្អិតម្តងទៀតនៅពេលក្រុមហ៊ុនប្រកាសបង្ហាញខ្លួនផ្លូវការ៕
អានអត្ថបទ: