ដឹងគន្លឹះងាយៗ ដើម្បីទទួលបានសេវា Wi-Fi ដ៏ល្អក្នុងផ្ទះ

2019-12-13 09:39:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីទទួលបានសេវា Wi-Fi ដ៏ល្អមួយមិនមែនជារឿងពិបាកឡើយ នេះប្រសិនបើដឹងពីគន្លឹះទុកដាក់ឧបករណ៍ Router ឲ្យត្រូវទីតាំងរបស់វា។ គន្លឹះក្នុងការទុកដាក់មានរៀបរាប់ដូចខាងក្រោមនេះ៖

-ដាក់ Router នៅចំចំណុចកណ្ដាលផ្ទះដើម្បីឲ្យសេវារបស់ Wi-Fi ជ្រាបទៅគ្រប់ជ្រុងនៃផ្ទះ។ ជៀសវាងការទុកវានៅកៀនកន្លៀតផ្ទះ ដែលសេវា Wi-Fi ពាក់កណ្ដាលនឹងគ្របដណ្ដប់ទៅលើផ្ទះរបស់អ្នកជិតខាងឯណោះវិញ។

-ប្រសិនបើរន្ធខ្សែអ៊ីនធឺណិតស្ថិតនៅកៀនផ្ទះ គួរណាស់តែទិញខ្សែ Network ដើម្បីតវាឲ្យដល់ចំណុចកណ្ដាល ព្រោះខ្សែមិនជាថ្លៃប៉ុន្មានឡើយ។

-ត្រូវចាំថាគ្រោងរឹងៗមួយចំនួនដូចជា ជញ្ជាំងឈើ ឬជញ្ជាំងបេតុង អាចរាំងស្ទះសញ្ញារបស់ Wi-Fi បាន។

-អ្វីដែលសំខាន់គឺអង់តែន ព្រោះអង់តែនជួយបង្កើនសញ្ញា Wi-Fi ឲ្យខ្លាំងបាន។ ប្រសិនបើ Router អ្នកគ្មានអង់តែនទេ គួរប្ដូរចេញដោយប្រើ Router មានអង់តែនជំនួស។

300Mbps-High-Power-802-11N-Wireless-Router-with-5-5dbi-Long-Ranger-Antenna-Support-Getway-WIFirepeater

-អ្នកអាចប្រើប្រាស់វិបសាយ ឬកម្មវិធី Speedtest ដើម្បីស្ទង់មើលកម្លាំង Wi-Fi បានតាមរយៈល្បឿនអ៊ីនធឺណិត។ ដូចនេះអ្នកអាចកំណត់បានកាន់តែច្បាស់ពីទីតាំងល្អសម្រាប់ទុកដាក់ Router។

-ជួនកាលការបិទរួចបើក Router ឡើងវិញក៏អាចជួយឲ្យសញ្ញា Wi-Fi ដើរបានស្រួលល្អវិញបាន។ នេះបើក្នុងករណីដែលល្បឿន Wi-Fi យឺតខុសពីធម្មតា៕

ប្រភព៖ fossbytes ប្រែសម្រួល៖ សុខហេង