កុំរំលងឲ្យសោះណា! ព្រឹត្តិការណ៍វប្បធម៌កម្ពុជា-ជប៉ុន “Let’s Cosplay” ឆ្នាំនេះ នឹងកាន់តែអស្ចារ្យ!
- 2019-12-16 02:21:42
- ចំនួនមតិ 0 | ចំនួនចែករំលែក 0
កុំរំលងឲ្យសោះណា! ព្រឹត្តិការណ៍វប្បធម៌កម្ពុជា-ជប៉ុន “Let’s Cosplay” ឆ្នាំនេះ នឹងកាន់តែអស្ចារ្យ!
ចន្លោះមិនឃើញ
ព្រឹត្តិការណ៍ “Let’s Cosplay" រដូវកាលទី៦ នឹងមកដល់ក្នុងពេលឆាប់ៗខាងមុខនេះហើយ ពោលគឺនៅថ្ងៃទី២២ ខែធ្នូ ឆ្នាំ២០១៩ ចាប់ពីម៉ោង ៩ព្រឹក ដល់ ៥ល្ងាច នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC) ក្នុងបរិវេណសាកលវិទ្យាល័យភូមិន្ទភ្នំពេញ។។
ព្រឹត្តិការណ៍ ដែលត្រូវបានរៀបចំឡើងដោយក្រុមយុវជនស្ម័គ្រចិត្ត Narutail Guild នេះ បានទាក់ទាញអ្នកចូលទស្សនាសរុប ២៤០០នាក់ហើយ គិតចាប់តាំងពីបង្កើតនាឆ្នាំ២០១៣ មក។ ជាពិសេស គឺកាលពីរដូវកាលទី៥ ឆ្នាំមុន មានអ្នកចូលទស្សនាដល់ទៅ ៩០០នាក់ ពោលគឺពេញសាលនៃកម្មវិធីតែម្ដង។
នៅឆ្នាំ២០១៩ នេះ Narutail Guild នឹងរៀបចំព្រឹត្តិការណ៍ “Let’s Cosplay" រដូវកាលទី៦ ឲ្យកាន់តែអស្ចារ្យជាងមុន ដោយមានកម្មវិធីបង្ហាញសកម្មភាពសិល្បៈវប្បធម៌ជាច្រើនសម្បូរបែប ទាំងសិល្បៈទំនើប និងប្រពៃណី។ អ្វីដែលសំខាន់ ព្រឹត្តិការណ៍នេះ ធ្វើឡើងក្នុងគោលបំណងពង្រឹងទំនាក់ទំនងរវាងប្រទេសកម្ពុជា និងប្រទេសជប៉ុន ក៏ដូចជាចូលរួមគាំទ្រសកម្មភាពមនុស្សធម៌នានា។ ព្រឹត្តិការណ៍នេះ នឹងរៃអង្គាសមូលនិធិ ដើម្បីទិញសៀវភៅ ៦០០០ក្បាល ជូនកុមារក្រីក្រនៅសហគមន៍ ដែលកំពុងខ្វះខាតសម្ភារៈសិក្សា ជាពិសេសគឺនៅសាលាបឋមសិក្សាគូនីតាកេ ដែលស្ថិតក្នុងភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត (៣គីឡូម៉ែត្រពីទីរួមខេត្ត)។
មិនត្រឹមតែប៉ុណ្ណោះទេ ក្នុងព្រឹត្តិការណ៍នេះ ក៏នឹងមានការរៃអង្គាសមូលនិធិជួយគាំទ្រដល់សហគមន៍សិល្បៈបុរាណខ្មែរ នៅរាជធានីភ្នំពេញ ដែលកំពុងខ្វះខាតទាំងសម្ភារៈ និងថវិកាផងដែរ។
to raise funds, in order to buy 6000 books for the poor children whose communities lack both stationeries and other necessary needs for their education, especially books in Kunitake Primary School located in Tropen Thom Village, Tropen Thom Commune, Terk Chou District, Kampot Province (3 kilometers from the central city)
Let’s Cosplay រដូវកាលទី៦ នឹងបង្ហាញជូនប្រិយមិត្តនូវសកម្មភាពជាច្រើនទៀត ដែលផ្ដោតសំខាន់លើការផ្លាស់ប្ដូរវប្បធម៌រវាងកម្ពុជា និងជប៉ុន។ បន្ថែមលើនេះ ក្រុមយុវជន Narutail ក៏នឹងនាំមកនូវឈុតឆាកដង្ហែ Cosplay ដ៏ពេញនិយម ការបង្ហាញម៉ូដ Cosplay រួមទាំងការសម្ដែងសិល្បៈជប៉ុន Otaku ដែលនឹងធ្វើឲ្យប្រិយមិត្តរីករាយពេញមួយថ្ងៃតែម្ដង។ ជាមួយគ្នានោះ ក៏នឹងមានការតាំងបង្ហាញម្ហូបអាហារកម្ពុជា និងជប៉ុនផងដែរ។
កាន់តែពិសេស ព្រឹត្តិការណ៍នេះ នឹងមានការបង្ហាញចម្រុះគ្នា រវាងវប្បធម៌បុរាណ និងសម័យ ពោលគឺមានការសម្ដែងល្ខោនខោល ក៏ដូចជាការរាំបែបសម័យទំនើបផងដែរ។ ការតាំងពិពណ៌សិល្បៈ ការប្រកួត E-sport និងការសម្ដែងសមត្ថភាពផ្សេងៗ ក៏នឹងមានក្នុងព្រឹត្តិការណ៍នេះដែរ។
ស្ដាប់មើលទៅ គឺពិតជាអស្ចារ្យណាស់ Let’s Cosplay រដូវកាលថ្មីនេះ ទាំងសកម្មភាពសប្បុរសធម៌ ទាំងការស្វែងយល់ពីវប្បធម៌ និងសកម្មភាពដែលមិនប៉ះពាល់បរិស្ថានជាច្រើនទៀត។
តោះ ចាំអីទៀត! កក់សំបុត្ររបស់លោកអ្នក ដើម្បីរីករាយនឹងបទពិសោធន៍ថ្មី ពេញមួយថ្ងៃ។ ព័ត៌មានលម្អិតបន្ថែម សូមទំនាក់ទំនង តាមរយៈអ៊ីមែល narutailguild@gmail.com ឬតាមលេខទូរសព្ទ 015 478 096៕