YG ឆ្លើយតបភ្លាមៗ ក្រោយត្រូវអ្នកគាំទ្រ BLACKPINK ធ្វើបាតុកម្ម
- 2019-12-16 09:51:12
- ចំនួនមតិ 0 | ចំនួនចែករំលែក 0
YG ឆ្លើយតបភ្លាមៗ ក្រោយត្រូវអ្នកគាំទ្រ BLACKPINK ធ្វើបាតុកម្ម
ចន្លោះមិនឃើញ
នៅថ្ងៃ ១៦ ខែធ្នូនេះ អ្នកគាំទ្រ BLACKPINK បានធ្វើបាតុកម្មបង្ហាញការទាមទារដែលពួកគេចង់បាន ដោយយករថយន្តដែលមានផ្ទាំងផ្សាយ បើកជុំវិញអគារផលិតកម្ម YG នៅសង្កាត់ Mapo ទីក្រុងសេអ៊ូល។
ផ្ទាំងផ្សាយ LED នៅលើរថយន្តបានបង្ហាញអំពីវីដេអូ ដែលមាននូវការទាមទាររបស់អ្នកគាំទ្រ។ ក្នុងនោះមានការទាមទារឲ្យ BLACKPINK ធ្វើការ Comeback ពីរដងក្នុងមួយឆ្នាំ, អនុវត្តន៍គម្រោងចេញបទចម្រៀងទោល (Solo) សម្រាប់សមាជិកដទៃទៀតដូចដែលបានសន្យាពីមុន និងការបង្ហាញមុខបន្ថែមទៀតក្នុងកម្មវិធីទូរទស្សន៍ និងចូលរួមកម្មវិធីពានរង្វាន់នៅចុងឆ្នាំ ជាដើម។
ការ Comeback ចុងក្រោយបង្អស់របស់ BLACKPINK គឺនៅខែមេសា ជាមួយនឹងអាល់ប៊ុមចម្រៀងតូច "Kill This Love” ហើយក្រោយមកក្រុមបានផ្ដោតលើការប្រគំតន្ត្រីជុំវិញពិភពលោក។ Jennie គឺជាសមាជិកតែម្នាក់គត់ដែលបានចូលប្រឡូកជាតារាទោលជាមួយបទ "SOLO” នៅឆ្នាំ ២០១៨។
ក្រោយមកផលិតកម្ម YG បានបញ្ចេញនូវសេចក្ដីថ្លែងការណ៍ ដែលមានដូចខាងក្រោម ៖
“YG គឺបានស្ដាប់នូវគ្រប់ពាក្យ ពេលអ្នកគាំទ្របង្ហាញការខ្វាយខ្វល់ជុំវិញសកម្មភាពសកម្មភាពរបស់តារាពួកយើង រួមមាន BLACKPINK។
BLACKPINK បានបិទបញ្ចប់ការប្រគំតន្ត្រីបានដោយជោគជ័យនៅឆ្នាំនេះ ដែលមានការប្រគំតន្រ្តី ៣២ លើក នៅទ្វីបចំនួន ៤ និងនៅទីក្រុងចំនួន ២៣ ហើយពេលនេះពួកគេកំពុងនៅប្រគំតន្ត្រីនៅជប៉ុនបន្ថែមទៀត។ ក្នុងពេលជាមួយគ្នានោះ ពួកគេក៏កំពុងថតបទចម្រៀងថ្មីមួយចំនួននៅស្ទូឌីយោ។
យើងសុំឲ្យអ្នកផ្ញើការគាំទ្រ និងពាក្យកក់ក្ដៅដល់ BLACKPINK ខណៈពេលដែលពួកគេកំពុងខិតខំ ត្រៀមសម្រាប់អាល់ប៊ុមថ្មី ដែលបានដាក់គោលដៅថាចេញផ្សាយនៅឆ្នាំ ២០២០។
ពួកយើងគ្រប់គ្នានៅ YG ចង់បង្ហាញអារម្មណ៍ដ៏ជ្រាលជ្រៅទៅកាន់អ្នកគាំទ្រ សម្រាប់មតិយោបល់ និងការគាំទ្រ ហើយពួកយើងនឹងបន្តខិតខំដើម្បីផ្ដល់ជូននូវបទចម្រៀងល្អបំផុតចេញពី YG៕”
ចុចអាន ៖ តារាកូរ៉េ ៧រូប ចែករំលែកវិធីថែរក្សារាងងាយៗ អ្នកណាៗក៏អាចធ្វើបាន