សហព័ន្ធកីឡាគុនល្បុក្កតោប្រកួតជើងឯកថ្នាក់ជាតិ ២០១៩ ផ្ដោតលើចំណុចសំខាន់ៗ ៥
- 2019-12-28 08:52:43
- ចំនួនមតិ 0 | ចំនួនចែករំលែក 0
សហព័ន្ធកីឡាគុនល្បុក្កតោប្រកួតជើងឯកថ្នាក់ជាតិ ២០១៩ ផ្ដោតលើចំណុចសំខាន់ៗ ៥
ចន្លោះមិនឃើញ
ប្រធានសហព័ន្ធកីឡាគុនល្បុក្កតោ ថាការប្រកួតជើងឯកថ្នាក់ជាតិ ២០១៩ នេះគឺផ្ដោតលើគោលដៅសំខាន់ចំនួន៥ គឺការផ្ដល់ឱកាសដល់គ្រប់កីឡាករបញ្ចេញសមត្ថភាព បំផុសចំណាប់អារម្មណ៍ ជ្រើសរើសអ្នកមានសមត្ថភាព បង្កើនបទពិសោធ។
ទេសរដ្ឋមន្ត្រី ច័ន្ទ សារុន លើកឡើងថា សម្រាប់ការប្រកួតគុនល្បុក្កតោ ឆ្នាំ ២០១៩ មិនត្រឹមជាការអភិរក្សនោះទេ ពោលជាការជួយអភិវឌ្ឍន៍ផងដែរ។ ការប្រកួតនេះគឺមានសារសំខាន់ និងផ្ដោតលើគោលដៅ៥ចំណុចដូចការរៀបរាប់មុននេះ។
ទី១ ផ្ដល់ឱកាសឲ្យគ្រប់កីឡាករ កីឡាការិនី តាមសាលាគុន សមាគម សហគមន៍នានា គ្រប់រាជធានី ខេត្តបញ្ចេញសមត្ថភាព និងវាស់ស្ទង់កម្រិតបច្ចេកទេសរបស់ខ្លួន។
ទី២ បំផុសចំណាប់អារម្មណ៍ដើម្បីទាក់ទាញ យុវជន មហាជនឲ្យចូលរួមហ្វឹកហាត់ និងថែរក្សាកីឡាគុនល្បុក្កតោ។
ទី៣ បំផុសការផ្សព្វផ្សាយគោលការណ៍អភិរក្ស និងអភិវឌ្ឍន៍ក្បាច់គុនប្រឡឹងជាតិ អត្តសញ្ញាណជាតិ វប្បធម៌ជាតិ។
ទី៤ ជ្រើសរើសកីឡាករ កីឡាការិនី មានទេពកោសល្យល្អ និងប៉ិនប្រសព្វ ដើម្បីបំប៉នការ ហ្វឹកហាត់ឯកទេសជំនាញកីឡាគុនល្បុក្កតោ ឲ្យឈានដល់កម្រិតខ្ពស់។
ទី៥ បង្កើនបទពិសោធ ដល់មន្ត្រីរៀបចំការប្រកួត អាជ្ញាកណ្ដាល និងចៅក្រម ដើម្បីត្រៀមក្នុងការប្រកួតកម្រិតអន្តរជាតិនានា។
រំលឹកដែរថា សហព័ន្ធកីឡាគុនល្បុក្កតោកំពុងរៀបចំការប្រកួតជ្រើសរើសជើងឯកថ្នាក់ជាតិ ២០១៩ នេះនៅឯសាលដំបូងទូកក្នុងសាកលវិទ្យាល័យភូមិន្ទភ្នំពេញ។ ការប្រកួតនេះធ្វើឡើងចាប់ពីថ្ងៃទី២៧ ដល់ ២៩ ខែធ្នូ ២០១៩ ទើបបិទបញ្ចប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
