Mane ប្រាក់អាទិត្យ២សែន តែប្រើទូរស័ព្ទបែកស្រ្គីនព្រោះមូលហេតុនេះ
- 2019-12-30 07:04:45
- ចំនួនមតិ 0 | ចំនួនចែករំលែក 0
Mane ប្រាក់អាទិត្យ២សែន តែប្រើទូរស័ព្ទបែកស្រ្គីនព្រោះមូលហេតុនេះ
ចន្លោះមិនឃើញ
Sadio Mane ត្រូវប្រទះឃើញដើរកាន់ទូរស័ព្ទ iPhone បែកស្គ្រីននៅមុនការប្រកួតទល់នឹង Leicester City កាលពីសប្ដាហ៍មុនបើទោះជារូបគេមានប្រាក់ពលកម្មរហូត២សែនផោននៅ Liverpool ក៏ដោយ។
ប្រាក់ពលកម្មដ៏កប់ពពកនេះអាចឲ្យខ្សែប្រយុទ្ធសញ្ជាតិសេណេហ្គាល់ទិញទូរស័ព្ទស៊េរីទំនើប១៥០គ្រឿងជារៀងរាល់សប្ដាហ៍បានដោយងាយ ទិញឡានទំនើប, ភូមិគ្រឹះ, នាឡិកាថ្លៃៗ ប៉ុន្តែរូបគេបែរជាមិនខ្វល់នឹងភាពឡូយឆាយទៅវិញ។ មូលហេតុនៅក្រោយការប្រើទូរស័ព្ទចាស់នេះគឺដោយសារ Mane ជាមនុស្សដាក់ខ្លួន និងមិនចាយលុយខ្ជះខ្ជាយ។
ក្នុងមួយឆ្នាំ Liverpool ត្រូវចំណាយខ្ទង់៧,៨លានផោនឲ្យខ្សែប្រយុទ្ធវ័យ២៧ឆ្នាំ ប៉ុន្តែរូបគេបានទុកលុយបម្រើឲ្យសកម្មភាពមនុស្សធម៌ដូចជាសង់សាលារៀន, មន្ទីរពេទ្យ, ផ្លូវ, កីឡដ្ឋាន ឲ្យប្រជាជនសេណេហ្គាល់ដែលក្រីក្រកំពុងស្រេកឃ្លាន ត្រូវការជំនួយទាំងនេះ។
Mane ធ្លាប់និយាយថា៖ "ខ្ញុំធ្លាប់អត់ឃ្លាន បានបាយព្រឹកខ្វះល្ងាច និងធ្លាប់លេងបាល់ដោយជើងទទេ ឥលូវខ្ញុំមានលុយដ៏ច្រើនពីបាល់ទាត់ដូច្នេះខ្ញុំត្រូវតែជួយប្រជាជនខ្ញុំវិញ។ ខ្ញុំបានឧបត្ថម្ភអាហារ, សំលៀកបំពាក់, ស្បែកជើង និងប្រាក់ប្រចាំខែ៧០អឺរ៉ូ ដល់ប្រជាជនដែលខ្វះខាតបំផុតនៅឯប្រទេសកំណើត...”៕