Xioami ដាក់លក់ Haylou Smartwatch រាងដូចប្រេន Apple តម្លៃ ១៧ ដុល្លារ

2020-01-02 01:50:25
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រកាសនូវគម្រោងអភិវឌ្ឍនូវនាឡិកាឆ្លាតវៃ Xiaomi Haylou Smartwatch កាលពីខែតុលា ទីបំផុតថ្មីៗនេះក្រុមហ៊ុនប្រទេសចិនបានសម្រេចចេញផ្សាយជាផ្លូវការហើយ។

នៅទីផ្សារចិន Xiaomi បានដាក់លក់ជាសាធារណៈនូវនាឡិកាឆ្លាតវៃរូបរាងស្រដៀងនឹង Apple Watch មានឈ្មោះថា 'Haylou' តម្លៃស្តើងត្រឹម ១១៩ យន់ឬ ១៧ ដុល្លារអាមេរិកតែប៉ុណ្ណោះ។ និយាយឲ្យសាមញ្ញអាចថាមុខងារប្រើប្រាស់របស់វាគឺប្រហាក់ប្រហែលនឹងប្រភេទខ្សែដៃ Mi Band ដោយគ្រាន់ខុសត្រង់រូបរាងជាកូនកាត់ Apple Watch។

+លក្ខណៈសម្បត្តិម៉ាស៊ីន Haylou Smartwatch មានដូចខាងក្រោម៖

អេក្រង់ LCD ទំហំ ១,៣ អ៊ីញ កម្រិតបង្ហាញ ២៤០x២៤០ ភីកសែល
វិមាត្រតួ ៤០.៩x៣៥.៧x១១.៦ ម.ម
ទម្ងន់ ៣៤ ក្រាម
ការពារជម្រាបទឹកនិងធូលីស្តង់ដារ IP68 (ធុននឹងទឹកជម្រៅ ១.៥ ម៉ែត្របាន ៣០ នាទី)
គាំទ្រមុខងារវាស់ចង្វាក់បេះដូង សកម្មភាពលំហាត់ប្រាណផ្សេងៗ តាមដានការគេង
ថាមពលថ្ម ២១០mAh ប្រើបាន ១៤ ថ្ងៃ

បញ្ជាក់ថាវាអាចគាំទ្របានទាំងលើស្មាតហ្វូន Android និង iOS ហើយដាក់លក់នៅជម្រើស ២ ពណ៌មាន ខ្មៅ និងទឹកប្រាក់។ ប្រភេទខ្សែអ្នកអាចផ្លាស់ប្ដូរបានតាមចំណង់ចំណូលចិត្ត ប៉ុន្តែបច្ចុប្បន្នមិនទាន់មានលក់លើទីផ្សារសកល ក្រៅពីប្រទេសចិននៅឡើយ៕

អានអត្ថបទ:

ប្រភព៖ techmoblog ប្រែសម្រួល៖ កៅ រក្សា