ប្រជាជនដែល Mane បានជួយ ប្រមូលគ្នាមើលរូបគេលើកពាន
- 2020-01-09 04:31:55
- ចំនួនមតិ 0 | ចំនួនចែករំលែក 0
ប្រជាជនដែល Mane បានជួយ ប្រមូលគ្នាមើលរូបគេលើកពាន
ចន្លោះមិនឃើញ
Sadio Mane បានក្លាយជាម្ចាស់ពានកីឡាករឆ្នើមបំផុតប្រចាំឆ្នាំរបស់អាហ្វ្រិក កាលពីម្សិលមិញដោយបានយកឈ្នះលើមិត្តរួមក្រុម Mohamed Salah និង Riyad Mahrez របស់ Manchester City។
ខ្សែប្រយុទ្ធវ័យ២៧ឆ្នាំបានជួយ Liverpool លើកពាន Champions League, Super Cup, Club World Cup និងរកបាន៣០គ្រាប់គិតគ្រប់កម្មវិធីកាលពីរដូវកាលមុន។ សម្រាប់រដូវកាលនេះគេរកបាន១៥គ្រាប់ហើយ និងនាំ Liverpool ដាច់១៣ពិន្ទុក្នុងតារាងពិន្ទុ Premier League។
នៅថ្ងៃដែល Mane លើកពានក៏មានការផ្សាយផ្ទាល់ដែរ នៅប្រទេសសេណេហ្គាល់ហើយប្រជាជនដែលរូបគេតែងជួយជាប្រចាំ បានមកប្រមូលផ្គុំគ្នាសាទរអ្នកមានគុណរបស់ខ្លួននៅចំពោះមុខផ្ទាំងសំពត់.ស ដែលដាក់នៅតាមភូមិ។
កីឡាករសញ្ជាតិសេណេហ្គាល់ បានប្រើលុយផ្ទាល់ខ្លួនសាងសង់សាលារៀន, មន្ទីរពេទ្យ, ទីលានបាល់ទាត់, និងឧបត្ថម្ភលុយ, ខោអាវ និងសម្ភារៈចាំបាច់ជាច្រើនទៀតជាប្រចាំដល់ប្រជាជនក្រីក្រក្នុងប្រទេសរបស់គេ៕