មូលហេតុ Mane គោះឈើ២ដង ពេលគេនិយាយថា Liverpool នឹងឈ្នះលីគ
- 2020-01-14 03:20:27
- ចំនួនមតិ 0 | ចំនួនចែករំលែក 0
មូលហេតុ Mane គោះឈើ២ដង ពេលគេនិយាយថា Liverpool នឹងឈ្នះលីគ
ចន្លោះមិនឃើញ
Sadio Mane បានក្លាយជាម្ចាស់ពានកីឡាករឆ្នើមប្រចាំទ្វីបអាហ្វ្រិក African Player of the Year កាលពីសប្ដាហ៍មុន និងជាលើកដំបូងក្នុងអាជីពរបស់ខ្លួន។
ខ្សែប្រយុទ្ធឆ្នើមវ័យ២៧ឆ្នាំលើកពាននេះក្រោយរួមចំណែកយ៉ាងធំធេងជួយ Liverpool ឈ្នះពាន Champions League, Super Cup, FIFA Club World Cup និងឈ្នះស្បែកជើងមាសនៅ Premier League កាលពីរដូវកាលមុន ថែមទាំងជួយជម្រើសជាតិឡើងដល់វគ្គផ្ដាច់ព្រ័ត្រពាន African Cup of Nations។
ក្នុងពិធីប្រគល់ពានអ្នកសារព័ត៌មានបានធ្វើកិច្ចសម្ភាសន៍និងនិយាយបែបទាយទុកមុនថា៖ "អបអរសាទរ Sadio អ្នកនឹងក្លាយជាជើងឯក Premier League រដូវកាលនេះ"។ ឭដូចនោះ Mane បានគោះកៅអី២ដង មុននឹងឆ្លើយសំណួរ។
ការគោះកៅអីនេះមិនមែនជារឿងចៃដន្យឡើយ គឺបើតាមប្រពៃណីជនជាតិសេណេហ្គាល់ ការគោះឈើនៅពេលគេជូនពរអ្វីមួយ គឺតំណាងឲ្យការទទួលយកសំណាងល្អ និងបញ្ចៀសរឿងចង្រៃ វាដូចជាទំនៀមខ្មែរដែលនិយាយថា សាធុៗ ដូច្នោះដែរ។
គួរបញ្ជាក់ថា Liverpool ពេលនេះកំពុងនាំមុខគេលើកំពូលតារាង Premier League មាន៦១ពិន្ទុ ដាច់លេខ២ Manchester City ចំនួន១៤ពិន្ទុ ថែមទាំងសល់១ប្រកួតក្នុងដៃ៕