Huawei បញ្ចេញស្មាតហ្វូនថ្មី មានសេវាកម្ម Google មួយកំផ្លេ
- 2020-01-16 07:59:43
- ចំនួនមតិ 0 | ចំនួនចែករំលែក 0
Huawei បញ្ចេញស្មាតហ្វូនថ្មី មានសេវាកម្ម Google មួយកំផ្លេ
ចន្លោះមិនឃើញ
ត្បិតថាមានការហាមឃាត់ពីសំណាក់រដ្ឋាភិបាលអាមេរិកមិនឲ្យរកស៊ីជាមួយក្រុមហ៊ុនអាមេរិកមែនពិត ប៉ុន្តែ Huawei បានដាក់លក់ស្មាតហ្វូនថ្មីគឺ Huawei P30 Lite New Edition ដែលមានសេវាកម្ម Google មកស្រាប់។
ម៉ូដែលថ្មីនេះគឺជាការផ្លាស់ប្ដូរបន្ថែមទៅលើ P30 Lite ដែល Huawei ប្រកាសចេញក្នុងដើមឆ្នាំ ២០១៩។ ប្រៀបធៀបនឹងជំនាន់មុន ស៊េរីថ្មីនេះមានជម្រើស RAM ទំហំដល់ ៦GB និងអង្គផ្ទុកទិន្នន័យមានទំហំដល់ ២៥៦ GB ដែលជំនាន់មុន។ ផ្នែកដទៃទៀតនៅរក្សាដូចដើម ទាំងការឌីហ្សាញ បន្ទះឈីប អេក្រង់ និងកាមេរ៉ា។
ត្បិតថាចេញផ្សាយនៅឆ្នាំ ២០២០ ក្រោយមានការហាមឃាត់ពីអាមេរិកមែន ក៏ P30 Lite New Edition នៅមានសេវាកម្ម Google ដូចស៊េរីដែលចេញឆ្នាំ ២០១៩ ដែរ។ ហេតុផលអាចមកពីអាជ្ញាប័ណ្ណ Google គឺជាប់ជាមួយឈ្មោះនៃម៉ូដែល ហេតុនេះទោះ Huawei ប្រើឈ្មោះដដែល ប៉ុន្តែប្ដូរការឌីហ្សាញបន្តិច និងប្ដូរលក្ខណៈសម្បត្តិបន្តិចក៏នឹងមិនល្មើសនឹងអាជ្ញាប័ណ្ណដែរ។ នេះតាមការយល់ឃើញរបស់សារព័ត៌មាន Android Authority។
Huawei P30 New Lite មានលក់នៅអង់គ្លេសពីថ្ងៃទីខែមករា ជាមួយតម្លៃចាប់ពីប្រមាណ ៣៨៩ ដុល្លារ៕