ព្រាប សុវត្ថិ ធ្វើឱ្យអ្នកសៀមរាប សប្បាយខ្លាំងក្នុងការប្រគំតន្ត្រី Tiger Street
- 2020-01-20 01:21:52
- ចំនួនមតិ 0 | ចំនួនចែករំលែក 0
ព្រាប សុវត្ថិ ធ្វើឱ្យអ្នកសៀមរាប សប្បាយខ្លាំងក្នុងការប្រគំតន្ត្រី Tiger Street
ចន្លោះមិនឃើញ
ក្រោយពីបញ្ចប់ការប្រកួតរយៈពេល៣ថ្ងៃពេញមក នៅយប់មិញនេះ Tiger ក៏មានការប្រគំតន្ត្រីខ្នាតយក្សឱ្យអ្នកគាំទ្របានចូលរួមទស្សនាសប្បាយរីករាយផងដែរ។
តារាចម្រៀង ព្រាប សុវត្ថិ សុគន្ធ នីសា Step និង G-Devit ជាដើម សុទ្ធតែបានបង្ហាញខ្លួនជាមួយបទចម្រៀងពីរោះៗ អមជាមួយក្បាច់រាំពិសេស ធ្វើឱ្យអ្នកចូលរួមទស្សនា មិនអាចទប់អារម្មណ៍ ថាមិនរាំតាមបាននោះទេ។ ក្រៅពីច្រៀងហើយ ក្រុមតារាចម្រៀងល្បីប្រចាំប្រទេសកម្ពុជានេះ ក៏មានការចែកបាល់ មានហត្ថលេខារបស់ខ្លួន ឱ្យអ្នកគាំទ្រថែមទៀតផង។
ព្រឹត្តិការណ៍ Tiger Street Football 2020 នៅមណ្ឌលសៀមរាបបានបញ្ចប់ ដោយក្រុម Samrong FC មកពីខេត្តឧត្តរមានជ័យ ជាអ្នកបានលេខ១ ប្រាក់រង្វាន់ ១ ៥០០ដុល្លារ ក្រុម Kiridongrek លេខ២ បានប្រាក់រង្វាន់ ១ ០០០ដុល្លារ ក្រុម The Brother FC លេខ៣ បាន៥០០ដុល្លារ និងក្រុម Fratelo FC (B) បានលេខ៤ ទទួលបាន២០០ដុល្លារ។ ក្រុមទាំង៤នេះ រួមជាមួយក្រុម៨ផ្សេងទៀតនៅមណ្ឌលសៀមរាប នឹងមានឱកាសបានឡើងទៅលេងវគ្គផ្ដាច់ព្រ័ត្រនៅរាជធានីភ្នំពេញ ចាប់ពីថ្ងៃទី ២៩ កុម្ភៈ ដល់១មីនាឆ្នាំ២០២០៕