ហេតុផលនេះសោះ ទើប Samsung ផ្ញើសារចម្លែកដល់អ្នកប្រើ
- 2020-02-21 02:45:11
- ចំនួនមតិ 0 | ចំនួនចែករំលែក 0
ហេតុផលនេះសោះ ទើប Samsung ផ្ញើសារចម្លែកដល់អ្នកប្រើ
ចន្លោះមិនឃើញ
កាលពីម្សិលមិញអ្នកប្រើប្រាស់ស្មាតហ្វូន Samsung Galaxy ជាច្រើននៅទូទាំងពិភពលោក បានរាយការណ៍ថាទទួលបាននូវ Notification ចម្លែកមួយពី "Find My Mobile”។ ក្នុង Notification គឺមានតែលេខ "១" ហើយពេលចុចទៅគឺបាត់តែម្ដង។
នៅពេលនេះ គេទទួលបានការឆ្លើយតបពី Samsung ទាក់ទងនឹងសារចម្លើយនេះ។ ទំព័រ Twitter ផ្លូវការរបស់ Samsung Help UK បានបកស្រាយដូចនេះថា ៖ "ថ្មីៗនេះ មាន Notification មួយអំពី «Find My Mobile 1» កើតមានលើឧបករណ៍ Galaxy មួយចំនួន។ វាបានផ្ញើចេញទៅដោយអចេតនា អំឡុងការធ្វើតេស្តផ្ទៃក្នុងមួយ ហើយវាមិនប៉ះពាល់ដល់ឧបករណ៍របស់អ្នកឡើយ។ យើងសុំទោសចំពោះបញ្ហាដែលអាចកើតមានដោយសាររឿងនេះ។”
រឿងរ៉ាវនេះគឺស្រដៀងពេលដែល OnePlus ផ្ញើ Notification ជាភាសាចិនទៅកាន់អ្នកប្រើ OnePlus 7 Pro កាលពីឆ្នាំមុនដែរ៕