Google ចាប់ផ្ដើមកម្ចាត់កម្មវិធី ដែលលោតផ្ទាំង Ads រំខានឥតឈប់
- 2020-02-21 03:55:36
- ចំនួនមតិ 0 | ចំនួនចែករំលែក 0
Google ចាប់ផ្ដើមកម្ចាត់កម្មវិធី ដែលលោតផ្ទាំង Ads រំខានឥតឈប់
ចន្លោះមិនឃើញ
នៅថ្ងៃនេះក្រុមហ៊ុន Google បានប្រកាសថាខ្លួនបានដកចេញកម្មវិធីជិត ៦០០ ចេញពី Play Store របស់ខ្លួន និងបានបិទមិនឲ្យកម្មវិធីទាំងនោះអាចដាក់ផ្ទាំង Ads ដើម្បីរកលុយបានទៀតផង។
ការសម្រេចចិត្តបែបនេះ គឺដោយសារកម្មវិធីទាំងនោះបានល្មើសនឹងច្បាប់ពាណិជ្ជកម្មរបស់ក្រុមហ៊ុនជាបន្តបន្ទាប់។ គួរដឹងថាកម្មវិធីជិត ៦០០ នោះ គឺមានចំនួនដំឡើងសរុបជាង ៤,៥ ពាន់លានដងឯណោះ ជាតួលេខដ៏ខ្ពស់មួយ។
Google បានរៀបរាប់ថាកម្មវិធីដែលមាន Ads ដែលរំខានខ្លាំងគឺវាបង្ហាញ Ads ដែលបង្កការរំខានដល់ការប្រើប្រាស់ស្មាតហ្វូន ឬវាបង្ហាញ Ads ទាំងដែលម្ចាស់ទូរសព្ទមិនបានប្រើប្រាស់កម្មវិធីនោះ។ ក្នុងយុទ្ធនាការកម្ចាត់ចោតកម្មវិធីដែលមាន Ads រំខាន ដើម្បីសម្រួលដល់ការប្រើប្រាស់នោះ Google គឺបានប្រើប្រាស់នូវរូបមន្ត Machine Learning ថ្មី ដែលអាចដឹងនៅពេលដែលកម្មវិធីមួយបានល្មើសនឹងច្បាប់របស់ខ្លួន៕