ភ្ញៀវពី៥០ទៅ៧០តុ ភាគច្រើនជាអ្នកកីឡា មង្គលការ វីវ៉ា និង ដាវីន ល្ងាចនេះ

2014-11-20 13:20:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីពិសាភោជនាហារដើម្បីអបអរសាទរ និងប្រសិទ្ធពរជ័យដល់កីឡាករប្រដាល់ វ៉ន វីវ៉ា និងកីឡាការិនីតេក្វាន់ដូជម្រើសជាតិកម្ពុជា ស៊ន ដាវីន នឹងចូលរួមភាគច្រើនជាអ្នកកីឡានៅវេលាល្ងាចនេះ។

កីឡាការិនីម្នាក់ដែលជាអ្នកជិតស្និទ្ធនឹង ស៊ន ដាវីន តែសុំមិនបញ្ចេញឈ្មោះ បានប្រាប់ឲ្យដឹងមុននេះបន្តិចថា វ៉ន វីវ៉ា និង ស៊ន ដាវីន អញ្ជើញភ្ញៀវការប្រហែលពី៥០ទៅ៧០តុ។ ភ្ញៀវភាគច្រើនត្រូវបានអញ្ជើញចូលរួមក្នុងពិធីមង្គលការរបស់ពួកគេគឺជាអ្នកកីឡា និងអ្នកពាក់ព័ន្ធនឹងកីឡា ព្រមទាំងញាតិមិត្ត។

វ៉ន វីវ៉ា និង ស៊ន ដាវីន រៀបការ

កីឡាការិនីលាក់ឈ្មោះរូបនេះបាននិយាយថា ៖«ដាវីនប្រាប់ខ្ញុំថា ពួកគាត់ជាអ្នកកីឡាដូចគ្នា អីចឹងពួកគាត់ហៅភ្ញៀវភាគច្រើនជាអ្នកកីឡាដូចគ្នាទើបធ្វើឲ្យកម្មវិធីកាន់តែសប្បាយរីករាយ តែគាត់អត់បានប្រាប់ខ្ញុំថាតើអញ្ជើញអ្នកសិល្បៈអត់ ព្រោះគាត់ស្គាល់អ្នកសិល្បៈខ្លះដែរ»។

ប្រភពដដែលបានបន្ថែមថា ក្រៅពីអ្នកកីឡា ពួកគាត់ក៏អញ្ជើញអ្នកពាក់ព័ន្ធនឹងកីឡាផ្សេងៗច្រើនទៀតដូចជានៅតាមស្ថាប័នរដ្ឋ និងឯកជន។ ក្រៅពីនោះគឺសាច់ញាតិ និងមិត្តភ័ក្តិ ហើយប្រហែលជាមានអ្នកសិល្បៈខ្លះដែរ ពីព្រោះពួកគាត់ស្គាល់អ្នកសិល្បៈមួយចំនួនដែរ។

ពិធីពិសាភោជនាអាហារក្នុងមង្គលការរបស់អ្នកកីឡាទាំងពីរនាក់នឹងប្រព្រឹត្តវេលាម៉ោង៦ល្ងាច ថ្ងៃព្រហស្បតិ៍នេះនៅមជ្ឈមណ្ឌល ម៉ូដែន អគារ C៕