Facebook ឲ្យ WHO អាច Boost Post ឥតគិតលុយតាមចិត្តចង់

2020-03-04 06:31:46
ចំនួនមតិ 0 | ចំនួនចែករំលែក 0

ចន្លោះមិនឃើញ

នាប៉ុន្មានម៉ោងមុននេះ Mark Zuckerberg បានលើកឡើងនូវប៉ុន្មានចំណុចដែល Facebook បានរួមចំណែកជួយ ជាការឆ្លើយតបនឹងការរីករាលដាលនៃវីរុសកូរ៉ូណាថ្មី ដែលមានឈ្មោះផ្លូវការថា COVID-19។

ការឆ្លើយតបរបស់ Facebook គឺផ្ដោតលើចំណុចសំខាន់ចំនួនបី គឺមានផ្ដល់នូវព័ត៌មានពិត បញ្ឈប់ការផ្សព្វផ្សាយព័ត៌មានមិនពិត និងផ្ដល់ទិន្នន័យសម្រាប់ការស្រាវជ្រាវ។

ដើម្បីផ្ដល់ព័ត៌មានដែលពិត Facebook បាននាំអ្នកប្រើប្រាស់ដែលស្វែងរកព័ត៌មានអំពីវីរុសកូរ៉ូណានៅលើបណ្ដាញរបស់ខ្លួន ទៅកាន់អង្គការសុខភាពពិភពលោកហៅកាត់ WHO ឬអាជ្ញាធរសុខភាពតាមមូលដ្ឋាន។ បន្ថែមពីនេះក៏មានការលោតសារជាដំណឹងដោយស្វ័យប្រវត្តិនៅលើ News Feed សម្រាប់អ្នកដែលស្ថិតក្នុងប្រទេសដែលអង្គការ WHO បានរាយការណ៍អំពីករណីឆ្លងពីមនុស្សទៅមនុស្ស។

ស្ថាបនិក Facebook បានបញ្ជាក់ដែរថា Facebook បានផ្ដល់ជូននូវការ Boost ដោយឥតគិតថ្លៃដល់ WHO ឲ្យប្រើប្រាស់បានតាមចិត្ត។ Facebook ក៏ផ្ដល់ការនូវក្រេដីតនៃការ Boost រាប់សិបលានដល់អង្គភាពដទៃទៀតផងដែរ និងបានធ្វើការយ៉ាងជិតស្និទ្ធជាមួយអ្នកជំនាញសុខភាពពិភពលោក ដើម្បីផ្ដល់ព័ត៌មានដែលពួកគេត្រូវការ។

ដើម្បីបញ្ឈប់ការផ្សព្វផ្សាយព័ត៌មានមិនពិត Facebook បានលុបចេញនូវការអះអាងមិនត្រឹមត្រូវ និងបានបិទមិនឲ្យ Boost នូវមាតិកាដែលបង្កភាពភ័យខ្លាចដល់មហាជនផងដែរ។ ចុងក្រោយនោះគឺ Facebook បានផ្ដល់នូវទិន្នន័យដល់ក្រុមអ្នកស្រាវជ្រាវ ដើម្បីស្វែងយល់អំពីការរីករាលដាននៃវីរុស ថាមានការវិវត្តយ៉ាងណាខ្លះ៕

ប្រភព៖ Techcrunch ប្រែសម្រួល៖ សុខហេង