Xiaomi បិទហាងលក់មានតែមួយគត់នៅអង់គ្លេស ក្រោមហេតុផលមិនទាក់ទងនឹង COVID-19
- 2020-03-10 06:38:05
- ចំនួនមតិ 0 | ចំនួនចែករំលែក 0
Xiaomi បិទហាងលក់មានតែមួយគត់នៅអង់គ្លេស ក្រោមហេតុផលមិនទាក់ទងនឹង COVID-19
ចន្លោះមិនឃើញ
កាលពីចុងឆ្នាំ ២០១៨ ក្រុមហ៊ុនទូរសព្ទ Xiaomi បានបើកដំណើរការហាងលក់ដំបូងនៅទីក្រុងឡុងដុង ហើយពេលនេះហាងត្រូវបានបិទទៅវិញ បន្ទាប់ពីដំណើរការមិនដល់ ២ ឆ្នាំផង។
គួរបញ្ជាក់ថានេះមិនមែនជាការបិទបណ្ដោះអាសន្ន ព្រោះតែការផ្ទុះវីរុសកូរ៉ូណានោះទេ ប៉ុន្តែគឺជាការផ្លាស់ប្ដូរយុទ្ធសាស្ត្រពីសំណាក់ក្រុមហ៊ុន Xiaomi។ តទៅមុខ អតិថិជននៅអង់គ្លេស អាចទិញផលិតផល Xiaomi តាមរយៈវិបសាយ mi.com/uk និងដៃគូរបស់ Xiaomi មានដូចជា Amazon ជាដើម។ យ៉ាងណាក្ដ Xiaomi នៅមានហាងច្រើនទៀតនៅទូទាំងសហភាពអឺរ៉ុប ដែលធំជាងគេគឺនៅប៉ារីស ប្រទេសបារាំង។
Xiaomi បានចេញសេចក្ដីថ្លែងការណ៍ដែលមានអត្ថន័យដូចនេះថា ៖ "ការកែសម្រួលលើយុទ្ធសាស្ត្រលក់រាយក្នុងស្រុកនេះ គឺជាប្រតិកម្មចំពោះសន្ទុះរីកចម្រើនលឿននៃមុខជំនួញរបស់យើងនៅតំបន់អឺរ៉ុបខាងលិច៕”