កាមេរ៉ាលើ iPhone 2020 តម្លៃថ្លៃជាងគេនឹងមានចំណុចពីរ ពិសេសលើសគេ
- 2020-03-24 03:19:38
- ចំនួនមតិ 0 | ចំនួនចែករំលែក 0
កាមេរ៉ាលើ iPhone 2020 តម្លៃថ្លៃជាងគេនឹងមានចំណុចពីរ ពិសេសលើសគេ
ចន្លោះមិនឃើញ
iPhone ស៊េរីឆ្នាំ ២០២០ ដែលមានតម្លៃថ្លៃជាងគេ ដែលទំនងជា iPhone 12 Pro Max នឹងមានបំពាក់នូវ Sensor កាមេរ៉ាធំជាងមុន រួមជាមួយមុខងាររក្សាលំនឹងភ្ជាប់ជាមួយ Sensor ជំនួសឲ្យមុខងាររក្សាលំនឹង OIS ដែលភ្ជាប់លើឡេនមានប្រើនាពេលបច្ចុប្បន្ននេះ។
គេធ្លាប់បានឃើញការរាយការណ៍អំពីមុខងាររក្សាលំនឹងភ្ជាប់ជាមួយ Sensor កាលពីខែធ្នូ ឆ្នាំមុន។ ពេលនោះការចុះផ្សាយរបស់ Digitimes មិនបានបញ្ជាក់ថា iPhone ម៉ូដែលថានឹងមានមុខងារនេះទេ ប៉ុន្តែកំណត់ត្រាថ្មីរបស់អ្នកវិភាគល្បីឈ្មោះ Ming Chi-Kuo និយាយថា មុខងារនេះនឹងមានសម្រាប់តែ iPhone លំដាប់កំពូល តម្លៃថ្លៃជាងគេប៉ុណ្ណោះ។
អ្នកវិភាគនេះនិយាយទៀតថា iPhone លំដាប់កំពូលដែលមានអេក្រង់ទំហំ ៦,៧ អ៊ីញ នឹងមានកាមេរ៉ាថ្មីសម្រាប់ឡេនមេ ដែលស្គាល់ថាជាឡេន 7P។ វាមាន Sensor ទំហំ 1/1.9″ ដែលនៅលើ iPhone 11 Pro វាមានទំហំតែ 1/3.6″។
កំណត់ត្រាថ្មីរបស់លោក Ming Chi-Kuo មិនមានផ្លាស់ប្ដូរលើម៉ូដែល iPhone ដែលត្រូវប្រកាសនាចុងឆ្នាំ ២០២០ នេះទេ ដែលវារួមមាន ៖
iPhone អេក្រង់ OLED ទំហំ ៥,៤ អ៊ីញ (កាមេរ៉ាភ្លោះ)
iPhone អេក្រង់ OLED ទំហំ ៦,១ អ៊ីញ (កាមេរ៉ាភ្លោះ)
iPhone អេក្រង់ OLED ទំហំ ៦,១ អ៊ីញ (កាមេរ៉ាបីគ្រាប់ ជាមួយ Sensor Time of Flight)
iPhone អេក្រង់ OLED ទំហំ ៦,៧ អ៊ីញ (កាមេរ៉ាបីគ្រាប់ ជាមួយ Sensor Time of Flight)
គួរដឹងថាទំហំ Sensor រូបភាពធំជាងមុន អាចធ្វើឲ្យគុណភាពរូបភាពកាន់តែល្អប្រសើរ ជាពិសេសសម្រាប់ថាថតរូបភាពនៅទីងងឹត មានពន្លឺមិនគ្រប់គ្រាន់៕