ទីក្រុងមួយនឹងបានប្រើម៉ាស៊ីនតេស្តជំងឺកូវីដ១៩ ប្រើពេលត្រឹម ៥នាទី មុនគេ

2020-04-02 04:21:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ចៅហ្វាយក្រុង Detroit នៃរដ្ឋ Michigan សហរដ្ឋអាមេរិកបាននិយាយនាថ្ងៃនេះនៅលើទូរទស្សន៍ CNN ថាទីក្រុង Detroit គឺជាទីក្រុងដំបូងដែលនឹងប្រើប្រាស់ម៉ាស៊ីនតេស្តជំងឺកូវីដ១៩ របស់ Abbott Lab ដែលប្រើពេលតេស្តត្រឹម ៥នាទីប៉ុណ្ណោះ។

ប្រព័ន្ធម៉ាស៊ីនរបស់ Abbott Lab ទទួលបានអនុញ្ញាតឲ្យប្រើប្រាស់ជាបន្ទាន់ពីរដ្ឋបាលចំណីអាហារនិងឪសថសហរដ្ឋអាមេរិក។ វាប្រៀបដូចជាមន្ទីរពិសោធន៍ក្នុងប្រអប់ ដែលមានទំហំតូចប៉ុនសម្ភារៈផ្ទះបាយ។ ដោយមានទំហំតូច ហើយអាចតេស្តដឹងលទ្ធផលលឿនមានន័យថាវាអាចបញ្ចេញឲ្យប្រើប្រាស់បានលឿនជាងវិធីសាស្ត្រដទៃទៀត។

ក្រុមហ៊ុន Abbott Lab រំពឹងថាតាមរយៈម៉ាស៊ីនធ្វើតេស្តថ្មី រួមជាមួយការធ្វើតេស្តនៅមន្ទីរពិសោធន៍ផងនោះ នៅខែមីនាគេអាចបង្កើតការធ្វើតេស្តស្វែងរកកូវីដ១៩ បាន ៥លានករណី៕

ប្រភព៖ Techcrunch ប្រែសម្រួល៖ សុខហេង