OnePlus 8 Pro អាចសាកថ្មឥតប្រើខ្សែ កម្លាំងដល់ ៣០វ៉ាត់

2020-04-08 04:35:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងបទសម្ភាសន៍ជាមួយ The Verge កាលពីសប្ដាហ៍មុន លោក Pete Lau ជានាយកប្រតិបត្តិ OnePlus បានបញ្ជាក់ថា OnePlus 8 Pro ពិតជានឹងទ្រាំទ្រការសាកថ្មដោយមិនប្រើខ្សែ។ វាជាលើកដំបូងបំផុតសម្រាប់ស្មាតហ្វូន OnePlus ហើយនឹងមានសមត្ថភាពអស្ចារ្យទៀតដោយសាក ៣០ នាទី បានថ្មដល់ ៥០%។

ក្នុងល្បឿនខ្ពស់បំផុត ប្រព័ន្ធសាកថ្មឥតខ្សែរបស់ OnePlus នឹងប្រតិបត្តិការនៅល្បឿន ៣០ វ៉ាត់ ដែលលឿនជាងការសាកថ្មឥតប្រើខ្សែសម្រាប់ស្មាតហ្វូន Samsung ឬ iPhone នាពេលបច្ចុប្បន្ន។ ក្រុមហ៊ុនទូរសព្ទចិនផ្សេងទៀតក៏អាចបង្កើតបច្ចេកវិទ្យាសាកថ្មឥតប្រើខ្សែបានលឿនផងដែរ ដូចជា Xiaomi មានបច្ចេកវិទ្យាសាកកម្លាំង ៣០ វ៉ាត់ ចំណែក OPPO ដែលជាបងប្អូនរបស់ OnePlus រំពឹងថានឹងប្រកាសចេញស្មាតហ្វូនមានកម្លាំងសាកដោយមិនប្រើខ្សែដល់ ៤០វ៉ាត់ មុនការប្រកាសចេញ OnePlus 8 Pro មួយថ្ងៃ។

ទាក់ទងនឹងឆ្នាំងសាកដែលប្រើជាមួយបច្ចេកវិទ្យាសាកកម្លាំង ៣០ វ៉ាត់នេះដែរ គឺបានលេចធ្លាយរូបរាងច្បាស់ៗនាថ្ងៃនេះ ដែលវានឹងមានតម្លៃប្រហែល ៧០ អឺរ៉ូ (ប្រមាណ ៧៦ដុល្លារ) នៅអឺរ៉ុប៕

ប្រភព៖ GSMarena ប្រែសម្រួល៖ សុខហេង