លេចតម្លៃនៃការវះកាត់កែសម្ផស្សរបស់ប្រទេសល្បីៗទាំង៧
- 2014-11-21 22:58:22
- ចំនួនមតិ 0 | ចំនួនចែករំលែក 0
លេចតម្លៃនៃការវះកាត់កែសម្ផស្សរបស់ប្រទេសល្បីៗទាំង៧
ចន្លោះមិនឃើញ
រឿងវះកាត់កែសម្ផស្សសឹងតែលែងនិយាយទៅហើយក្នុងចំណោមតារាប៉ប់របស់កូរ៉េខាងត្បូង ប៉ុន្តែនេះមិនមានន័យថា ប្រជាជនសាមញ្ញធម្មតាមិនកែសម្ផស្សនោះទេ។ ប្រជាជនច្រើនណាស់ដែលធ្វើការកែទម្រង់មុខរបស់គេ មានអ្នកខ្លះទៅដល់ប្រទេសផ្សេងៗទៀតផង។
គេហទំព័រ Jetsettimes បានរកឃើញថា មានប្រទេស៧ ដែលល្បីខាងកែសម្ផស្សរហូតដល់មានប្រជាជនពីប្រទេសដទៃធ្វើដំណើរទៅវះកាត់ប្ដូរមុខមាត់ទៀតផង។ ប្រទេសទាំងនោះមានដូចជា៖
១) ប្រេស៊ីល៖ ជាប្រទេសជាប់លេខមួយហើយខាងវះកាត់កែសម្ផស្ស។ យុវតីប្រេស៊ីលអាយុត្រឹម១៦ឆ្នាំខ្លះ ធ្លាប់វះកាត់កែសុដន់ម្ដងបាត់ទៅហើយ។ គ្លីនិកប្រទេសប្រេស៊ីលនឹងលាក់ការសម្ងាត់ឲ្យ ប៉ុន្តែគេក៏មានការព្រមានជាមុនចំពោះការប្រឈមនឹងបាត់ជីវិតផងផងសម្រាប់ការកែសម្ផស្សនេះ។ តម្លៃនៃការវះកាត់លើកមុខឲ្យខ្ពស់គឺ៦០០០ដុល្លារ។
២) អ៊ីរ៉ង់៖ បើឃើញនារីបិទប៉ង់សឺម៉ង់នៅលើច្រមុះ វាគឺជារឿងសាមញ្ញទៅហើយសម្រាប់គេ។ កម្មវិធីវិជ្ជាសាស្ត្ររបស់អ៊ីរ៉ង់គឺល្អបំផុតដែរនៅក្នុងពិភពលោកនេះ ដូច្នេះទើបធ្វើឲ្យមានគេធ្វើដំណើរទៅកាន់ប្រទេសនេះ ដើម្បីវះកាត់លើកថ្ងាសឲ្យខ្ពស់ ចៀរសាច់ក្បាលពោះ ឬធ្វើច្រមុះឲ្យស្អាត។ តម្លៃនៃការវះកាត់ ច្រមុះប្រហែល២០០០ដុល្លារ ចៀរខ្លាញ់ក្បាលពោះប្រហែលពី១២០០ដុល្លារ ទៅ២៨០០ដុល្លារ ខណៈការលើកថ្ងាសគឺប្រហែល៦០០០ដុល្លារ។
៣) ថៃ៖ ជាប្រទេសល្បីខាងវះកាត់ប្ដូរភេទច្រើនជាង ប៉ុន្តែក៏មានការវះកាត់កែសុដន់ វះកាត់បំពង់ករ ថ្ពាល់ និងអ្វីៗជាច្រើនទៀតដែរ។ តម្លៃសម្រាប់ការវះកាត់បំពង់ក គឺ៨០០ដុល្លារ ធ្វើច្រមុះឲ្យស្រួច២០០០ដុល្លារ និងធ្វើថ្ពាល់ឲ្យពេញប្រហែល១៤០០ដុល្លារ។
៤) កូរ៉េខាងត្បូង៖ ការវះកាត់កែសម្ផស្សនៅកូរ៉េមិនមែនជារឿងរន្ធត់ចំពោះអ្នកនៅទីនោះទេ ដោយសារប្រទេសនេះក្លាយជាមជ្ឈមណ្ឌលវះកាត់កែសម្ផស្សល្បីជាងគេនៅអាស៊ី ហើយអ្នកខ្លះ ក្រោយពីវះកាត់ហើយគឺមើលលែងស្គាល់ទៀតផង។ សម្រាប់តម្លៃការនៃការវះកាត់កែសម្ផស្ស គឺទាក់ទងនឹងច្រមុះប្រហែល៥០០០ដុល្លារ ថ្គាមប្រហែល៨៩០០ដុល្លារ កែដៃឲ្យតូចប្រហែល២២០០ដុល្លារ និងមានការកែសម្ផស្សត្រង់កន្លែងជាច្រើនទៀត។
៥) ស្វីស៖ បរទេសមួយចំនួនដែលចង់មើលទៅក្មេងជាងវ័យ ឬចង់កែសម្ផស្សក្រោយជួបឧប្បត្តិហេតុ គេតែងតម្រង់ទៅប្រទេសនេះ។ វេជ្ជបណ្ឌិតស្វីសត្រូវបានគេចាត់ទុកថា តែងយកចិត្តទុកដាច់ចំពោះការកែសម្ផស្សដូចជាការងារសិល្បៈ។ តម្លៃការនៃការវះកាត់លើកមុខឲ្យខ្ពស់គឺ១៥០០០ដុល្លារ ពង្រីកសុដន់១៣០០០ដុល្លារ និងចៀរសាច់ក្បាលពោះ១៥០០០ដុល្លារ។
៧) ចិន៖ ជឿ ឬអត់ថាមានការវះកាត់កែមុខសម្ផស្សរហូតដល់២លាន់ករណីក្នុងមួយឆ្នាំៗនៅប្រទេសនេះ? នេះជារឿងពិត គឺនៅចិនមានការវះកាត់កែឆ្អឹងថ្ពាល់ កែភ្នែកឲ្យធំ ឬធ្វើច្រមុះឲ្យស្អាតជាដើម។ ការវះកាត់កែភ្នែកទាំងពីរតម្លៃ១៥០០ដុល្លារ កែថ្គាម៩០០០ដុល្លារ និងបើធ្វើទាំងថ្គាម និងថ្ពាល់ប្រហែលជា១៥០០០ដុល្លារ។ ប៉ុន្តែនៅចិនក៏មានការកែសម្ផស្សមិនស្របច្បាប់ច្រើនណាស់ដែរ៕
ប្រភព៖ jetsettimes