ផលិតផលរក្សាស្បែកទាំង ៥ម៉ាក ដែលតារា KPOP និយមប្រើ

2014-09-26 15:17:35
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រតារាចម្រៀងប៉ុបកូរ៉េជាច្រើន ប្រហែលជាចង់ដឹងថា តើតារាៗទាំងនោះប្រើផលិតផលអ្វីបានជាមានស្បែកសស្អាត និងរលោងស្ទើរតែគ្រប់គ្នា។ បើនិយាយថាតើតារាទាំងនោះប្រើផលិតផលម៉ាកអ្វីនោះ ចម្លើយគឺពិតជាមានច្រើនខុសៗគ្នា រាប់មិនអស់ ប៉ុន្តែបើមើលតាមការចូលខ្លួនថតផ្សាយពាណិជ្ជកម្ម និងប្រភពពីគេហទំព័រ Koreaboo គេឃើញមាន ផលិតផលចំនួន ៥ម៉ាក ដែលពេញនិយមសម្រាប់ពួកគេ។ ចង់ដឹងថាមានផលិតផលម៉ាកអ្វីខ្លះ សូមទស្សនាខាងក្រោមនេះ៖

១. Nature Republic

បង្កើតឡើងក្នុងឆ្នាំ២០០៩ ផលិតផលថែរក្សាសម្ផស្ស Nature Republic ត្រូវបានគេស្គាល់ថាបានគ្រឿងផ្សំពីធម្មជាតិសម្រាប់ផលិតផលរបស់ពួកគេ និងធ្លាប់ជ្រើសរើសតារាចម្រៀង KPOP ជាច្រើនសម្រាប់ការផ្សព្វផ្សាយដូចជា Rain, ក្រុម Girls' Generation, ក្រុម JYJ និងក្រុម EXO។

២. Face Shop

Face Shop គឺជាក្រុមហ៊ុនផលិត និងចែកចាយផលិតផលរក្សាសម្ផស្សរបស់កូរ៉េខាងត្បូង ដែលជាផ្នែកមួយរបស់ក្រុមហ៊ុន LG។ តារាដែលធ្លាប់ជាម៉ូដែលសម្រាប់ផលិតផលនេះមានដូចជា Seohyun, Kim Hyun Joong, Suzy និងក្រុម EXO ជាដើម។

៣. Innisfree

Innisfree គឺជាផលិតផលដំបូងបង្អស់របស់កូរ៉េខាងត្បូងសម្រាប់ការប្រើប្រាស់ស្លាកសញ្ញាផលិតផលធម្មជាតិ។ Yoona របស់ក្រុម Girls' Generation និងតារាសម្ដែង Lee Minho ជាតារាដែលធ្លាប់ផ្សព្វផ្សាយផលិតផលនេះច្រើនជាងគេ។

៤. Etude House

Etude House គឺជាស្លាកសញ្ញានៃផលិតផលថែរក្សាសម្ផស្សកូរ៉េ គ្រប់គ្រងដោយក្រុមហ៊ុន Amore Pacific។ ផលិតផលនាំមុខរបស់ពួកគេគឺទាក់ទងនឹងការផាត់មុខ ប៉ុន្តែក្នុងនោះក៏មានផលិតផលថែរក្សាស្បែកខ្លះដែរ។ តារាល្បីៗជាច្រើនធ្លាប់បានថតផ្សព្វផ្សាយឲ្យផលិតផលទាំងនេះមានដូចជាសមាជិកក្រុម 2NE1, f(x) និង SHINee។

៥. Skin Food

ម្ចាស់ក្រុមហ៊ុនផលិតផល Skin Food មានបទពិសោធន៍ក្នុងមុខជំនួញផលិតផលរក្សាសម្រស់តាំងពីឆ្នាំ១៩៥៧ម្ល៉េះ។ គំនិតចម្បងនៃក្រុមហ៊ុននេះ គឺការបង្កើតផលិតផលដោយប្រើប្រាស់ជីវជាតិក្នុងចំណីអាហារដូចជាបន្លែ និងផ្លែឈើ។ តារាម៉ូដែលសម្រាប់ផលិតផលនេះមានដូចជា Lee Min Jung, Lee Songjuk, និង Siwan របស់ក្រុម ZE:A។