រកឃើញហើយ ជើងខ្លាំងកីឡា AK Online និងAge of Naga ប្រចាំប្រទេសកម្ពុជា ២០១៤

2014-11-24 03:47:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយចំណាយពេលអស់ប្រមាណជិត២ខែក្នុងការបំពេញបេសកកម្មស្វែងរកជើងខ្លាំងប្រចាំខេត្តក្រុង ដើម្បីមកចូលរួមប្រកួតបន្តនៅទីក្រុងភ្នំពេញ ទីបំផុត CCC Final 2014 បានរកឃើញជើងខ្លាំងដែលមានសមត្ថភាពខ្លាំងបំផុតក្នុងការបំបាក់សត្រូវជាហូរហែតាំងពីព្រឹត្តិការណ៍ប្រកួតជម្រុះដំបូង រហូតមកដល់ជុំផ្ដាច់ព្រ័ត្រប្រចាំប្រទេសកម្ពុជាហើយ។

CCC 2014 បានបង្កភាពភ្ញាក់ផ្អើលដល់ទស្សនិកជន រួមទាំងអ្នកប្រកួតយ៉ាងខ្លាំង ដោយទទួលបានការចុះឈ្មោះប្រកួតពីក្រុមយុវវ័យសម័យបច្ចេកវិទ្យាកីឡាអេឡិចត្រូនិក E-Sports យ៉ាងច្រើនរហូតដល់ទៅចំនួន ១២០ ក្រុម សមាជិកសរុបចំនួន ៦០០ នាក់។

ចម្រាញ់ចុះចម្រាញ់ឡើង មកដល់ជុំផ្ដាច់ព្រ័ត្រ CCC Final គឺនៅសល់ត្រឹមតែ ១៦ ក្រុមប៉ុណ្ណោះដែលត្រូវប្រកួតគ្នាដណ្ដើមតំណែងជើងឯកប្រចាំឆ្នាំ ២០១៤ រួមទាំងប្រាក់រង្វាន់ពាន់ដុល្លារអាមេរិកនៅសាលមហោស្រពចេនឡា ហើយឥឡូវយើងបានរកឃើញក្រុមខ្លាំងក្នុងចំណោមជើងខ្លាំងដទៃទៀតដែលទទួលបានចំណាត់ថ្នាក់ល្អ អមជាមួយប្រាក់រង្វាន់ប្រចាំឆ្នាំហើយ។

ខាងក្រោមនេះគឺជាឈ្មោះក្រុមជយលាភីប្រចាំប្រទេសកម្ពុជាក្នុងឆ្នាំ ២០១៤ ក៏ដូចជារង្វាន់ដែលម្ចាស់ជយលាភីនីមួយៗទទួលបាន៖

សេវាកម្សាន្ត Age Of Naga៖

@ក្រុមលេខ ១ YouKnowTHeLOser៖ ទទួលបានពានរង្វាន់កិត្តិយសចំនួន ១ មេដាយកិត្តិយសចំនួន ៥ ទឹកប្រាក់ចំនួន ២.០០០ ដុល្លារអាមេរិក រួមទាំង ៤ ម៉ឺន Sabay Gold

@ក្រុមលេខ ២ ZuMiz168៖ ទទួលបានមេដាយកិត្តិយសចំនួន ៥ ទឹកប្រាក់ចំនួន ១.០០០ ដុល្លារអាមេរិក រួមទាំង ៤ ម៉ឺន Sabay Gold

@ក្រុមលេខ ៣ Nofuture476៖ ទទួលបានមេដាយកិត្តិយសចំនួន ៥ និង ២ ម៉ឺន Sabay Gold

សេវាកម្សាន្ត AK Online៖

@ក្រុមលេខ ១ Secret៖ ទទួលបានពានរង្វាន់កិត្តិយសចំនួន ១ មេដាយកិត្តិយសចំនួន ៥ ទឹកប្រាក់ចំនួន ២.០០០ ដុល្លារអាមេរិក រួមទាំង ៤ ម៉ឺន Sabay Gold

@ក្រុមលេខ ២ NeverCare៖ ទទួលបានទឹកប្រាក់ចំនួន ១.០០០ ដុល្លារអាមេរិក និង ៤ ម៉ឺន Sabay Gold

@ក្រុមលេខ ៣ DengSrabHai៖ ទទួលបានមេដាយកិត្តិយសចំនួន ៥ និង ២ ម៉ឺន Sabay Gold

សម្រាប់ម្ចាស់ជយលាភីសេវាកម្សាន្ត AK Online ក្រុម Secret និងក្រុម NeverCare នឹងត្រូវធ្វើជាជើងខ្លាំងសេវាកម្សាន្ត Ak Online តំណាងឲ្យប្រទេសកម្ពុជាក្នុងការចូលរួមប្រកួតស្វែងរកជើងខ្លាំងកីឡាអេឡិចត្រូនិក E-Sports អន្តរជាតិ ផ្នែកសេវាកម្សាន្ត AK Online, MATIC 2015 ជាមួយ ៦ ប្រទេសផ្សេងទៀតរួមមាន សិង្ហបុរី ម៉ាឡេស៊ី ថៃ តៃវ៉ាន់ ឥណ្ឌូណេស៊ី និងប្រទេសចិន ដែលជាម្ចាស់ផ្ទះរៀបចំការប្រកួតឆ្នាំនេះ។

កាន់តែពិសេសសម្រាប់ឆ្នាំនេះ សេវាកម្សាន្ត AK Online នឹងផ្ដល់កាដូពិសេសជូនដល់អ្នកកម្សាន្តមួយក្រុមផ្សេងទៀតឲ្យមាន ឱកាសចូលរួមប្រកួតក្នុងព្រឹត្តិការណ៍ប្រកួតអន្តរជាតិ MATIC 2015 ជាមួយជើងខ្លាំងទាំង ២ នេះផងដែរ ដែលមួយក្រុមនោះគឺជាសមាជិក Clan ដែលទទួលបានពិន្ទុ League ខ្ពស់ជាងគេប្រចាំ Team Challenge សប្ដាហ៍ក្រោយនេះ (ពីថ្ងៃច័ន្ទទី ២៤ ដល់ថ្ងៃទី ៣០ ខែវិច្ឆិកា)។

ចូលរួមអបអរសាទរដល់ម្ចាស់ជយលាភីទាំងអស់! ប្រិយមិត្តមានពាក្យពេចន៍អ្វីជូនពរដល់ម្ចាស់ជយលាភីទាំង ៦ ក្រុមខាងលើនេះទេ?

ព្រឹត្តិការណ៍ CCC 2014 នាំមកជូនដោយ Sabay និងក្រុមហ៊ុនទូរសពចល័ត Smart។ Call ទៅលេខ 987 រួចចុចលេខ 1 ដើម្បីស្ដាប់បទចម្រៀងជាតិ និងអន្តរជាតិល្បីៗជាមួយកម្មវិធី Universal Music។ ចុច *999*10# ដើម្បីទទួលបានល្បឿនអ៊ីនធឺណិតលឿនដូចព្យុះ លឿនជាងល្បឿន 3G ដល់ទៅ ១២ ដង ជាមួយបច្ចេកវិទ្យា 4G LTE របស់ Smart។