Lumia 730 ស៊ីម​​ពីរ​ដែល​បាន​ប្រកាស​កាល​ពី​ដើម​ខែ​កញ្ញា​កន្លង​ទៅ​ ពេល​នេះ​បាន​បំបែក​ឯតទគ្គកម្មពិភព​លោក​ ជា ​Smartphone ដែល​អាច​​ថត​រូប​ Selfie បាន​​ទំហំ​ធំ​ជាង​គេ​បង្អស់​ក្នុង​លោក​។

រូប​ថត Selfie ដោយ​ប្រើ Lumia 730​ មាន​មនុស្ស​ចូល​ថត​ ១១៥១នាក់​

ក្រុមហ៊ុន Microsoft (សហការ​ជាមួយ Coca Cola) បាន​យក Smartphone ជំនាន់​ក្រោយ​របស់​ខ្លួន​គឺ​ Lumia 730 ​មក​បំបែក​ឯតទគ្គកម្ម​ពិភព​លោក​ តាម​រយៈ​ការ​ថត​ Selfie ​ដោយ​ប្រើ​កាមេរ៉ា​មុខ​របស់​វា​​ទំហំ 5MP។ ក្នុង​រូបថត​ Selfie  ដែល​ថត​នៅ​បង់ក្លាដេស​ការ​ពី​ម្សិលមិញ​​​នេះ​ មាន​មនុស្ស​ចូល​ថត​រហូត​ដល់​ទៅ ១១៥១នាក់​។

ដូច្នេះ​អាច​និយាយ​បាន​ថា​កាមេរ៉ា​មុខ​របស់​ Lumia 730 ពិត​ជា​មាន Wide Angle ធំ​ដែល​អាច​ថត​រូប​មនុស្ស​ច្រើន​គ្នា​បាន​យ៉ាង​ល្អ​ ដោយ​មិន​ដាច់​កំណិច​កំណាត់​នោះ​ទេ។

កំណត់​ត្រា​​ថត Selfie ថ្មី​មួយ​នេះ​​បាន​បំបែក​កំណត់​ត្រា​ចាស់​ចំនួន​ពីរ​​ដែល​ទី​១៖ រូប​ថត​ Oscar Selfie ដែល​ថត​ដោយ​អ្នក​កំប្លែង​ដ៏​ល្បី​របស់​អាមេរិក​ឈ្មោះ Ellen DeGenere នឹង​តារា​មួយ​ចំនួន​មាន​គ្នា​ប្រហែល​ ១០នាក់​ដោយ​ប្រើ Galaxy Note 3 និង​ទី២៖ រូប​ថត Selfie ដែល​មាន​មនុស្ស​ចូល​រួម​ ២៧៩ នាក់​ តម្រៀប​ជា​ផែន​ទី​ប្រទេស​អូស្រ្តាលី​ តែ​មិន​បាន​​បញ្ជាក់​ពី​ម៉ាក​ទូរសព្ទ​នោះ​ទេ៕

តាម​ដាន​ព័ត៌មាន​ពី Microsoft ចុច​ត្រង់នេះ

ប្រែ​សម្រួល៖ ប៉ែត ផាន់និត ប្រភព៖ ​​​​​​gsmarena