ភាពយន្តពិភពដាយណូស័រ "Jurassic World” ចេញ Trailer សាហាវញាក់សាច់!

2014-11-26 19:02:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តថ្មីរបស់អាមេរិករឿង "Jurassic World” បានចេញវីដេអូ Trailer ដំបូងរបស់ខ្លួនកាលពីថ្ងៃទី២៥ ខែវិច្ឆិកា ដែលក្នុងរយៈពេលត្រឹមតែ ១០ម៉ោងដំបូង វីដេអូនេះអាចទាក់ទាញអ្នកចូលទស្សនាជាង ៧លាននាក់។

“Jurassic World” គឺជាភាពយន្តដំណើរផ្សងព្រេងបែបវិទ្យាសាស្ត្រ និងជាវគ្គ ៤នៃភាពយន្តជាស៊េរី "Jurassic Park” ដែលបានចេញ៣វគ្គរួចមកហើយចាប់តាំងពីឆ្នាំ១៩៩៣មក។ វគ្គថ្មីនេះរៀបរាប់ពីគ្រាមួយនៅពេលដែលសួនកម្សាន្តដាយណូស័រ "Jurassic World” ត្រូវបានបង្កើតឡើង។ តួឯកប្រុស ឈ្មោះ Owen (សម្ដែងដោយ Chris Pratt តួរឿង "Guardian of the Galaxy”) ជាបុគ្គលិកម្នាក់ក្នុងសួនកម្សាន្តនេះបានដឹកនាំការស្រាវជ្រាវមួយលើពួកសត្វដាយណូស័រ Velociraptor។ ក៏ប៉ុន្តែការងាររបស់ពួកគេក៏ចាប់ផ្ដើមមានបញ្ហានៅពេលដែលកូនដាយណូស័រ ដែលពួកគេបង្កាត់រួចពីទ្រុង និងចូលលុកលុយក្នុងសួនកម្សាន្ត។

ចំណាយដើមទុនផលិតអស់ ១៥០លានដុល្លារ ភាពយន្តនេះដឹកនាំដោយលោក Colin Trevorrow និងនិពន្ធរួមគ្នាដោយ Derek Connolly និង Patrick Crowley។ ក្រៅពី Chris Pratt ភាពយន្តនេះចូលរួមសម្ដែងដោយ Bryce Dallas Howard, Vincent D'Onofrio, និង Nick Robinson។

“Jurassic World” នឹងចេញបញ្ចាំងនៅថ្ងៃទី១២ ខែមិថុនា ឆ្នាំ២០១៥៕

ទស្សនាវីដេអូ Trailer ខាងក្រោមនេះ៖