ចេញហើយ! កម្ពុជាឡើង៥លេខនៅ FIFA Ranking ខែនេះ
- 2014-11-28 00:11:09
- ចំនួនមតិ 0 | ចំនួនចែករំលែក 0
ចេញហើយ! កម្ពុជាឡើង៥លេខនៅ FIFA Ranking ខែនេះ
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជាបានកើនចំណាត់ថ្នាក់ FIFA World Ranking ល្អជាងមុន៥លេខនៅក្នុងខែវិច្ឆិកានេះ ពោលគឺឡើងពីលេខ១៨៥កាលពីខែមុន មកលេខ១៨០។ នេះបើយោងតាមការឲ្យដឹងពីគេហទំព័រ FIFA កាលពីមុននេះបន្តិច។
បើគិតតែនៅក្នុងតំបន់អាស៊ាន កម្ពុជាឈរនៅលេខ៩ លើក្រុមទីម័រខាងកើត (លេខ១៨៥) និងប្រ៊ុយណេ (១៩៨)។ ចំណែកក្រុមដែលនៅលើគេក្នុងតំបន់នេះ គឺហ្វីលីពីន (១២៨) តាមពីក្រោយដោយវៀតណាម (១៣៨), មីយ៉ាន់ម៉ា (១៤០) និងថៃ (១៤៤)។
ចំណាត់ថ្នាក់នៃក្រុមទាំង១១នៃសហព័ន្ធកីឡាបាល់ទាត់អាស៊ីអាគ្នេយ៍ (AFF)
បើនិយាយជារួមវិញ ក្រុមកំពូលទាំង១០ មានការប្រែប្រួលតិចណាស់ គឺ អាល្លឺម៉ង់នៅតែលេខ១ តាមពីក្រោយដោយអាហ្សង់ទីន កូឡុំប៊ី បែលហ្សិក ហុល្លង់ និងប្រេស៊ីលដូចខែមុនដែរ។ អ្វីដែលផ្លាស់ប្ដូរ គឺព័រទុយហ្គាល់ ហក់ពីលេខ៩ មកលេខ៧ ស្មើនឹងក្រុមបារាំង ខណៈអេស្ប៉ាញឡើងពីលេខ១០ មកលេខ៩ ឯអ៊ុយរុយហ្គាយធ្លាក់ពីលេខ៨ ទៅលេខ១០។
ចំណាត់ថ្នាក់កំពូលទាំង១០
* ចុចត្រង់នេះដើម្បីមើលតារាងចំណាត់ថ្នាក់ទាំងអស់
ដោយ៖ សុខ សុវត្ថិ
ប្រភព៖ FIFA