NeverCare លេខ ២ ផ្កាប់មុខ តែប្រាក់រង្វាន់ពី E-Sports សរុបច្រើនលើសគេ

2014-11-29 00:02:19
ចំនួនមតិ 0 | ចំនួនចែករំលែក 0

ចន្លោះមិនឃើញ

និយាយពីលេខ ២ ឬជើងឯករងវិញ គ្មានក្រុមណាអាចប្រៀបជាមួយក្រុម NeverCare បានឡើយ ព្រោះក្រុម NeverCare ហាក់ដូចជាស្រលាញ់ចូលចិត្តផ្កាប់មុខនឹងចំណាត់ថ្នាក់លេខ ២ ហ្នឹងណាស់ ព្រោះតាំងពីទទួលបានចំណាត់ថ្នាក់លេខ ២ ក្នុងព្រឹត្តិការណ៍ប្រកួតអន្តរជាតិ MATIC 2013 នៅឯប្រទេសថៃម្ដងរួចមក ជើងខ្លាំង NeverCare បន្តទទួលតំណែងជើងឯករងនេះស្ទើរតែគ្រប់ព្រឹត្តិការណ៍ប្រកួតក្រោយៗទៀត មិនថាការប្រកួតក្នុងស្រុក ឬក្រៅស្រុកឡើយ។

យ៉ាងណាមិញចំណាត់ថ្នាក់គ្រាន់តែជាចំណាត់ថ្នាក់ប៉ុណ្ណោះ តែបើនិយាយពីប្រាក់រង្វាន់ដែលទទួលបានពីកីឡា E-Sports វិញ គឺក្រុម NeverCare ជាក្រុមលេខមួយដែលទទួលបានប្រាក់រង្វាន់ពីកីឡា E-Sports ច្រើនជាងគេបំផុតក្នុងប្រទេសកម្ពុជា សរុបជិត ២ ម៉ឺនដុល្លារអាមេរិក។

តារាងខាងក្រោមបង្ហាញយ៉ាងច្បាស់ពីកាលបរិច្ឆេទ ព្រឹត្តិការណ៍ប្រកួត ចំណាត់ថ្នាក់ និងប្រាក់រង្វាន់របស់ក្រុម NeverCare៖

NeverCare
កាលបរិច្ឆេទ	ចំនួនប្រាក់រង្វាន់	ព្រឹត្តិការណ៍ប្រកួត	ចំណាត់ថ្នាក់
8/12/2012	500$ + 20,000 SC	CNC Final 2012	ជើងឯក
27/01/2013	$3,000	MATIC 2013 (Thailand)	ជើងឯករង
28/04/2013	$2,000 + 20,000 SC	NYC 2013	ជើងឯករង
15/09/2013	$2,000	CCC បាត់ដំបង	ជើងឯក
1/12/2013	$1,000 + 40,000 SC	CCC 2013 Final	ជើងឯករង
19/01/2014	$6,000	MATIC 2014 (Cambodia)	ជើងឯករង
19/10/2014	$1,000 + 20,000 SC	CCC បាត់ដំបង ២០១៤	ជើងឯក
23/11/2014	$1,000 + 40,000 SC	CCC Final 2014	ជើងឯករង
សរុប	$16,500 + 140,000 SC

ជាក់ស្ដែង ក្នុងឆ្នាំ២០១២ សេវាកម្សាន្ត AK Olnine បានបញ្ជូនជើងខ្លាំង AK ចំនួន ២ ក្រុម TheHell’sGate និង RBC ឲ្យចូលរួមប្រកួតបង្ហាញសមត្ថភាពលើឆាកប្រកួត AK អន្តរជាតិនៅប្រទេសម៉ាឡេស៊ី។ លុះមកដល់ឆ្នាំ២០១៣ សេវាកម្សាន្ត AK បានបន្តបញ្ជូនជើងខ្លាំងចំនួន ២ ក្រុមផ្សេងទៀតគឺក្រុម NeverCare និង YouWIllKnow ទៅប្រកួតលក្ខណៈអន្តរជាតិជាមួយជើងខ្លាំង ៦ ប្រទេសទៀតនៅក្នុងប្រទេសថៃផងដែរ។

ចំណែកក្នុងឆ្នាំ ២០១៤ សេវាកម្សាន្ត AK មិនបានបញ្ជូនជើងខ្លាំងក្រុមណាឲ្យទៅប្រកួតនៅប្រទេសក្រៅឡើយ តែបានរកឃើញជើងខ្លាំងចំនួន ៣ ក្រុម YouWillKnow, NeverCare និង FiveMilitary ឲ្យរង់ចាំស្វាគមន៍ជើងខ្លាំង AK អន្តរជាតិនៅកម្ពុជាតែម្ដង។ សម្រាប់ដើមឆ្នាំ ២០១៥ នេះវិញ សេវាកម្សាន្តនឹងបញ្ជូនជើងខ្លាំងចំនួន ៣ ក្រុមទៀតឲ្យទៅចូលរួមប្រកួតដណ្ដើមពានរង្វាន់អន្តរជាតិ MATIC នៅប្រទេសចិនផងដែរ ដែលជើងខ្លាំងទាំង ៣ នោះរួមមាន Secret, NeverCare និងមួយក្រុមទៀតចម្រាញ់ចេញពីការសន្សំក្នុង Team Challenge នឹងដឹងលទ្ធផលនៅសប្ដាហ៍ក្រោយ។

អត្ថបទ៖ ភីឆាយ