និយាយ​ពី​លេខ ២ ឬ​ជើងឯក​រង​វិញ គ្មាន​ក្រុម​ណា​អាច​ប្រៀប​ជាមួយ​ក្រុម NeverCare បាន​ឡើយ ព្រោះ​ក្រុម NeverCare ហាក់​ដូចជា​ស្រលាញ់​ចូលចិត្ត​ផ្កាប់មុខ​នឹង​ចំណាត់​ថ្នាក់​លេខ ២ ហ្នឹង​ណាស់ ព្រោះ​តាំង​ពី​ទទួល​បាន​ចំណាត់​ថ្នាក់​លេខ ២ ក្នុង​ព្រឹត្តិការណ៍​ប្រកួត​អន្តរជាតិ MATIC 2013 នៅ​ឯ​ប្រទេស​ថៃ​ម្ដង​រួច​មក ជើងខ្លាំង NeverCare បន្ត​ទទួល​តំណែង​ជើងឯក​រង​នេះ​ស្ទើរតែ​គ្រប់​ព្រឹត្តិការណ៍​ប្រកួត​ក្រោយៗ​ទៀត មិន​ថា​ការ​ប្រកួត​ក្នុង​ស្រុក ឬ​ក្រៅ​ស្រុក​ឡើយ។

ឆ្នាំ​មុន ប្រិយមិត្ត​អ្នក​កម្សាន្ត AK ពេញ​ផ្ទៃ​ប្រទេស​កម្ពុជា​ទទួល​បាន​ភាព​ភ្ញាក់ផ្អើល​យ៉ាង​ខ្លាំង នៅ​ពេល​ដែល Sabay បាន​បង្ហាញ​តារាង​ឈ្មោះ​ក្រុម​ដែល​មាន​សិទ្ធ​ប្រកួត​ជម្រុះ​ក្នុង​ព្រឹត្តិការណ៍ CCC បាត់ដំបង ២០១៣ ដែល​ក្នុង​នោះ​ជើងខ្លាំង AK តំណាង​ប្រទេស​កម្ពុជា​គឺ​ក្រុម NeverCare ក៏​បាន​បង្ហាញ​វត្តមាន​នៅ​ក្នុង​តារាង​ប្រកួត​នោះ​ដែរ។