ចូលរួមត្រេកអរ! ក្រុម Never Care ក្លាយជាទូតសុឆន្ទៈផលិតផលកុំព្យួទ័រម៉ាកល្បី ASUS

2017-06-20 06:46:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមម្ចាស់ជើងឯកថ្នាក់ជាតិកីឡាអេឡិចត្រូនិកកម្ពុជា Never Care លើកឡើងពីបទពិសោធមួយចំនួនក្នុងកម្មវិធីជួបជុំអ្នកគាំទ្រផលិតផល ASUS នៅកម្ពុជា កាលពីរសៀលថ្ងៃសៅរ៍ ទី១៧ មិថុនា ដែលទាក់ទងទៅនិងការលេងនាពេលកន្លង ក៏ដូចជាការជ្រើសរើស Computer ឲ្យបានត្រឹមត្រូវល្អដើម្បីដំណើរទៅដោយរលូតផងដែរ។

ប្រធានក្រុម សេនតូ កំពុងធ្វើបទបង្ហាញ

ប្រធានក្រុម Never Care លោក សេនតូ បានឲ្យដឹងថា ពួកគេពិតជាសប្បាយរីករាយដែលត្រូវបានអញ្ជើញឲ្យចូលរួមកម្មវិធីជួបជុំអ្នកគាំទ្រផលិតផល ROG របស់ក្រុមហ៊ុន ASUS Cambodia កាលពីថ្ងៃសៅរ៍កន្លងទៅនេះ។ រឹតតែសប្បាយចិត្តជាងនេះទៅទៀតនោះ នៅពេលដែលឃើញកីឡាអេឡិចត្រូនិកកម្ពុជាត្រូវបានគេទទួលស្គាល់និងគាំទ្រច្រើនដូចនេះ។

ប្រធានក្រុមរូបនេះបន្តទៀតថា តាមបទពិសោធរបស់ក្រុមខ្លួនដែលធ្លាប់ប្រើកុំព្យូទ័រ ROG GL553VW ប្រភេទនេះល្អប្រើ បើទោះជាពួកគេលេងហ្គេមច្រើនប្រភេទ លេងច្រើនម៉ោង(៥-៦ម៉ោង) យ៉ាងនេះក្ដីក៏វាមិនមានជាបញ្ហាចោទអ្វីនោះឡើយ។ ចំពោះថ្មវិញក៏កាន់ភ្លើងបានយូរ មិនក្ដៅ បើនិយាយពីការចាប់ Wireless ខ្លាំងល្អ រីឯរូបរាងក៏ស្រស់ស្អាតហើយនៅលើ Keyboard មានភ្លើងវារឹតតែងាយស្រួលសម្រាប់អ្នកដែលចូលចិត្តលេងពេលយប់។

សេនតូ បន្ថែមថា បើនិយាយពីពេលវេលានៃការលេងវិញពួកគេ បានបែងចែកច្បាស់លាស់ណាស់ ថ្ងៃណា ម៉ោងណាសម្រាប់លេង និងពេលវេលាណាសម្រាប់ធ្វើកិច្ចការផ្សេងៗទៀត មិនមែនមួយៗថ្ងៃគឺគិតតែលេងមិនធ្វើអ្វីនោះឡើយ កាលណាពួកគេបែងចែកវេលាច្បាស់ដូចនេះវាមិនការប៉ះពាល់អ្វីនោះទេ។

ក្រុមម្ចាស់ជើងឯកថ្នាក់ជាតិកីឡាអេឡិចត្រូនិកកម្ពុជា Never Care ត្រូវបានអញ្ជើញឲ្យចូលរួមក្នុងកម្មវិធីជួបជុំអ្នកគាំទ្រផលិតផល ROG របស់ក្រុមហ៊ុន ASUS Cambodia ក្រោមប្រធានបទ Outshine The Competition លើកទី១នេះកាលពីថ្ងៃទី ១៧ មិថុនា ២០១៧ នៅអគារ Phnom Penh Tower ក្នុងកម្មវិធីនេះដែរមានការចូលរួមយ៉ាងកុះករពីសំណាក់យុវវ័យដែលចង់ឃើញផលិតផលថ្មីៗនិងទំនើបបំផុតដែលបានតាំងបង្ហាញ៕

អត្ថបទ៖ នួន ស៊ីណា