NeverCare ទទួលបានលេខមួយទៀតហើយ!

2014-12-29 18:49:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ងាត់ៗ NeverCare ជើងឯករង CCC Final 2014 បានទទួលតំណែងជើងខ្លាំងលេខមួយលើកពាននៅ Empire Cyber Net រួចជាស្រេចកាលពីថ្ងៃសៅរ៍ ទី ២៧ ខែធ្នូ ឆ្នាំ ២០១៤ មុនដំណើរមហាព្រឹត្តិការណ៍ប្រកួតស្វែងរកជើងខ្លាំងកីឡាអេឡិចត្រូនិកអន្តរជាតិផ្នែកសេវាកម្សាន្ត AK Online, MATIC 2015 នៅប្រទេសចិនមកដល់។

ការប្រកួតនៅ Empire Cyber Net គឺពិតជាគួរឲ្យជក់ចិត្តមិនចាញ់ព្រឹត្តិការណ៍ប្រកួតធំៗកន្លងទៅឡើយ ដោយជើងខ្លាំងសម្បូរទៅដោយបទពិសោធន៍ប្រកួតជាច្រើនមានទាំង NeverCare និង GreatSeVen បានចុះឈ្មោះ និងចូលរួមប្រកួតដណ្ដើមតំណែងជើងខ្លាំងប្រចាំណិតនោះ។

Group A
ចំណាត់ថ្នាក់	Team Name	ពិន្ទុ
១	NeverCare	12
២	OverCome	9
៣	Empire Net	6
៤	Khos Pajektes	3
៥	Cambodian Gens	0
Group B
ចំណាត់ថ្នាក់	Team Name	ពិន្ទុ
១	GreatSeVen	12
២	Attack	9
៣	Ot Klach	6
៤	CJekPherkT	3
៥	Chirnamel	0

ជាលទ្ធផល ជើងខ្លាំងតំណាងប្រទេសកម្ពុជាក្នុងការចូលរួមប្រកួតដណ្ដើមតំណែងជើងឯក និងពានរង្វាន់កីឡាអន្តរជាតិ MATIC ចំនួន ៣ ឆ្នាំជាប់គ្នាគឺក្រុម NeverCare នៅតែរក្សាទម្រង់ប្រកួតបានល្អដដែល ដោយបានបន្តបំបាក់ជើងខ្លាំងដទៃទៀតផុយៗដដែលតាំងពីវគ្គជម្រុះរហូតមកដល់វគ្គពាក់កណ្ដាលផ្ដាច់ព្រ័ត្រ ប្លែកតែលទ្ធផលនៅវគ្គផ្ដាច់ព្រ័ត្រគឺ NeverCare បានយកឈ្នះក្រុម GreatSeVen ដែលមាន TheKing សមាជិក FiveMilitary ជើងខ្លាំងលេខ ៤ ប្រចាំ MATIC 2015 ជាប្រធានក្រុម ទាំងភ័យបុកពោះបែកញើសជោកថ្ងាស ព្រោះត្រូវក្រុម GreatSeVen ទទួលបានពិន្ទុនាំមុខមុនរហូតដល់ទៅ ៤ ទល់នឹង ២ ឯណោះ។

ការប្រកួតវគ្គពាក់កណ្តាលផ្តាច់ព្រ័ត្រ
Team Name	Result	VS	Result	Team Name
NeverCare	5	VS	1	Attack
GreatSeven	5	VS	4	OverCome
ការប្រកួតវគ្គផ្តាច់ព្រ័ត្រ
Team Name	Result	VS	Result	Team Name
NeverCare	5	VS	4	GreatSeVen

ជាមួយនឹងលទ្ធផលដ៏ល្អនេះ NeverCare ទទួលបានប្រាក់រង្វាន់ចំនួន ២៥០ ដុល្លារអាមេរិក ខណៈក្រុមលេខ ២ GreatSeVenទទួលបានប្រាក់រង្វាន់ចំនួន ១៥០ ដុល្លារអាមេរិក និងលេខ ៣ ក្រុម Attack ទទួលបានប្រាក់រង្វាន់ចំនួន ១០០ ដុល្លារអាមេរិក។

NeverCare

GreatSeVen

Attack

បន្ថែមពីលើរង្វាន់ទាំងនោះ Sabay ក៏បានចូលរួមផ្ដល់រង្វាន់លើកទឹកចិត្តដល់ក្រុមលេខមួយផងដែរ ដោយបានផ្ដល់សព្វាវុធប្រយុទ្ធ(Melee, កាំភ្លើងខ្លី និងកាំភ្លើងប្រភេទ Assualts) ដែលមានអនុភាពខ្លាំងរហូតដល់ផ្កាយ ៨ ប្រើប្រាស់ចំនួន ១ ខែ។