ជើងខ្លាំង AK កម្ពុជា ប្តេជ្ញានាំពានអន្តរជាតិ MATIC 2015 ជូនជាតិ

2014-12-23 17:44:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំង AK តំណាងកម្ពុជាទាំង ៣ ក្រុមរបស់សហព័ន្ធកីឡាអេឡិចត្រូនិកកម្ពុជា(EFC)ដែលនឹងត្រូវចូលរួមប្រកួតដណ្ដើមពានរង្វាន់កីឡាអេឡិចត្រូនិក E-Sports អន្តរជាតិក្នុងព្រឹត្តិការណ៍ MATIC 2015 នៅឯប្រទេសចិន នៅពាក់កណ្ដាលខែមករា ឆ្នាំ ២០១៥ នេះ បានប្រកាសក្ដែងៗប្រាប់ អ្នកគាំទ្រ តាមរយៈវីដេអូខាងក្រោមនេះថា នឹងធ្វើឲ្យក្រុមកម្ពុជាក្លាយជាជើងឯក MATIC 2015 ឲ្យទាល់តែបាន។

ក្រៅពីសន្យាថា នឹងព្យាយាមឲ្យអស់ពីសមត្ថភាពក្នុងការនាំពានជើងឯក MATIC 2015 ជូនជាតិ ក្រុមជើងខ្លាំងទាំង ៣ ថែមទាំងបានលួចបង្ហើបពីដៃគូប្រកួតដែលពួកគេចង់ជួប និងចង់បំបាក់ដែលក្នុងនោះម្ចាស់ជើងឯក CCC Final 2014 ក្រុម Secret ថា ចង់ជួបក្រុមម្ចាស់ផ្ទះចិនជាងគេ ព្រោះពួកគេបានស្គាល់ និងប្រើប្រាស់សព្វាវុធថ្មីៗ ទំនើបៗ មុនគេ ដូច្នេះ Secret អាចនឹងទទួលបានយុទ្ធសាស្ត្រ និងតិចនិកប្រយុទ្ធល្អៗជាច្រើនបន្ទាប់ពីប្រកួតជាមួយក្រុមម្ចាស់ផ្ទះ។

ចំណែកក្រុម NeverCare និង MD (YouWillKnow) វិញ ហាក់ដូចមិនទាន់ភ្លេចនូវលទ្ធផលដ៏ជូរចត់ក្រោមថ្វីដៃក្រុម ReBirth របស់ប្រទេសថៃក្នុងព្រឹត្តិការណ៍ MATIC 2014 នៅឡើយនោះទេ ដោយជើងខ្លាំងទាំង ២ នេះកំពុងទន្ទឹមរង់ចាំ និងចង់ជួបជើងខ្លាំងមកពីប្រទេសថៃមែនទែន។

Blue-X បានបញ្ជាក់ទៀតថា សម្រាប់ជំនួបប្រកួតជាមួយជើងខ្លាំងប្រទេសថៃឆ្នាំនេះ អាចជាការសងសឹកយកជ័យជម្នះពីប្រទេសថៃវិញ ហើយវាក៏អាចជាការបាក់មុខម្ដងទៀតរបស់ក្រុមគេផ្ទាល់ផងដែរ ព្រោះយើងមិនអាចដឹងលទ្ធផលមុនបានឡើយ ទាល់តែប្រកួតចប់ទើបដឹង។

ចង់ដឹងកាន់តែច្បាស់ពីមហិច្ឆតាជើងខ្លាំងកម្ពុជាយើង សូមទស្សនាវីដេអូខាងក្រោមនេះ៖

http://youtu.be/kaJXxPQLkkA

និយាយចឹង! ក្នុងវីដេអូខាងលើនេះ ប្រិយមិត្តគិតថា Style របស់ JaLerm ប៉ុណ្ណឹង Cute អ្ហេ៎?

ការបញ្ជូនកីឡាករទៅប្រកួតដណ្ដើមពាន MATIC 2015 នៅប្រទេសចិននេះ គឺរៀបចំឡើងដោយសហព័ន្ធកីឡាអេឡិចត្រូនិកកម្ពុជា (EFC)ដែលទើបបង្កើតជាផ្លូវការកាលពីពេលថ្មីៗនេះ និងទទួលស្គាល់ដោយគណៈកម្មាធិការជាតិអូឡាំពិកកម្ពុជា(NOCC)ដែលចូលរួមឧបត្ថម្ភដោយ Sabay៕

អត្ថបទ៖ ភីឆាយ