ក្រុមតារាចម្រៀងខ្មែរ De5inite ត្រៀមចេញ MV “ទឹកភ្លៀងលាងទឹកភ្នែក" ផ្លូវការ

2014-09-27 16:06:32
ចំនួនមតិ 0 | ចំនួនចែករំលែក 0

ចន្លោះមិនឃើញ

បទចម្រៀង “ទឹកភ្លៀងលាងទឹកភ្នែក" ដែលច្រៀងដោយក្រុមតារាចម្រៀង De5inite និងទទួលបានការគាំទ្រច្រើនពេលចេញឈុតខ្លី (Teaser) កាលពីដើមឆ្នាំនេះ ត្រៀមចេញវីដេអូចម្រៀង(MV)ផ្លូវការក្នុងពេលឆាប់ៗនេះហើយ។ នេះបើតាមលោក ចាន់ណា រ៉ូណាន បញ្ចេញឲ្យដឹង។

បទនេះត្រៀមចេញដោយផលិតកម្ម Rich Kids Media។ លោក ចាន់ណា រ៉ូណាន ប្រធានក្រុមតារាចម្រៀងវ័យក្មេង De5inite ប្រាប់ថា "ទឹកភ្លៀងលាងទឹកភ្នែក" បានបញ្ចប់ការថតរួចរាល់ហើយ នៅចាំតែការកាត់ត និងកែសម្រួលបច្ចេកទេសមួយចំនួនប៉ុណ្ណោះ។ លោក បញ្ជាក់ថា តាមគ្រោង គឺអាចនឹងចេញផ្លូវការនៅក្នុងរង្វង់២-៣ថ្ងៃខាងមុខ។

អត្ថបទ៖ អីចឹងសោះ…បានអត់សូវឃើញនាង អ៊ីត សម្ដែងស្និទ្ធជាមួយ ពែកមី

បទចម្រៀងដែលនិយាយពីចំណងស្នេហ៍ក្រោមតំណក់ទឹកភ្លៀងនេះ ទទួលបានការចាប់អារម្មណ៍មួយផ្នែកចំពោះប្លង់ថត ពណ៌ និងការលេង Style របស់តារាចម្រៀងទាំង៥ដួង។ រ៉ូណាន ប្រាប់ថា តាមពិតទៅ “ទឹកភ្លៀងលាងទឹកភ្នែក" របស់លោក យក Cover ពីកូរ៉េ ហើយនេះ ជាមូលហេតុដែលលោកមិនព្រមថត MV តាំងពីដំបូង។

ក្រុម De5inite រាប់ពីឆ្វេង They, Dyamong, Minyun, D.O និង Ronan

ឈុតក្នុងបទ "ទឹកភ្លៀងលាងទឹកភ្នែក"

“បទហ្នឹងខ្ញុំធ្វើជា MP3 លេងៗទេ ហើយចេញតាំងពីឆ្នាំ២០១២ឯណោះ ប៉ុន្តែក្រោយមកដោយមានការគាំទ្រ និងសំណូមពរច្រើនទើបសម្រេចថា ធ្វើជា MV ទៅ"។ យ៉ាងណាផលិតករវ័យ ២៦ ឆ្នាំរូបនេះ ប្រាប់ថា បន្ទាប់ពីបទនេះទៅ De5inite ក៏ដូចជាផលិតកម្ម Rich Kids Media របស់លោក នឹងធ្វើតែបទចម្រៀងមានបទភ្លេងថ្មីដោយខ្លួនឯងប៉ុណ្ណោះ។

អត្ថបទ៖ ថ្លៃខ្លួនតារាចម្រៀងខ្មែរ ប្រចាំឆ្នាំ២០១៤

De5inite បង្កើតឡើងនៅឆ្នាំ ២០១២ មានសមាជិកចំនួន ៥នាក់ គឺ Ronan ជាប្រធានក្រុម ទី២ They ទី៣ Dyamong ទី៤ Minyun និងទី៥ D.O និង ។ បទ "ទឹកភ្លៀងលាងទឹកភ្នែក" ជាបទដំបូងរបស់ De5nite៕

http://youtu.be/FsaJW5aA8Lo

អត្ថបទ៖ ទារិកា