ភាពយន្តកំប្លែង “And So It Goes” មានបញ្ចាំងនៅផ្លាទីនៀមហើយ

2014-12-01 23:36:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តបែបកំប្លែងថ្មីរបស់អាមេរិករឿង "And So It Goes” បានចាប់ផ្ដើមបញ្ចាំងហើយនៅរោងភាពយន្តផ្លាទីនៀម ផ្សារទំនើបសុរិយា។

"And So It Goes" គឺជាភាពយន្តបែបកំប្លែង និងមនោសញ្ចេតនា ដឹកនាំដោយលោក Rob Reiner និងសម្ដែងដោយតារាល្បីៗដូចជា Michael Douglas, Diane Keaton, និង Sterling Jerins។ ភាពយន្តនេះនិយាយពីបុរសវ័យចំណាស់ម្នាក់ឈ្មោះ Oren ជាភ្នាក់ងារអចលនទ្រព្យ ដែលចូលចិត្តរស់នៅតែម្នាក់ឯងមិនខ្វល់ពីអ្នកដទៃ។ បំណងប្រាថ្នារបស់គាត់គឺត្រឹមតែលក់ផ្ទះបានមួយទៀតគាត់នឹងចូលនិវត្តន៍។ ប៉ុន្តែជីវិតរបស់ Oren ត្រូវក្រឡាប់ចាក់នៅពេលដែលកូនប្រុសរបស់គាត់បានយកកូនស្រីរបស់គេមកឲ្យគាត់មើលថែ។ ដោយមិនដឹងថាមើលថែក្មេងយ៉ាងម៉េច Oren ក៏បានសុំឲ្យអ្នកជិតខាងឈ្មោះ Leah (សម្ដែងដោយ Diane Keaton) ជួយមើលចៅស្រីរបស់ខ្លួន ដែលចាប់ពីពេលនោះមកគាត់ក៏ចាប់ផ្ដើមផ្លាស់ប្ដូរជីវិតខ្លួនឯងបន្តិចម្ដងៗ។ ប៉ុន្តែសាច់រឿងនៅចុងបញ្ចប់នៃភាពយន្តនេះ នឹងធ្វើឲ្យទស្សនិកជនភ្ញាក់ផ្អើលកាន់តែខ្លាំង។

ចង់ដឹងថាភាពយន្ត "And So It Goes” ល្អមើលយ៉ាងណានោះ សូមកុំភ្លេចចូលរួមទស្សនាទាំងអស់គ្នា ដែលខ្សែភាពយន្តនេះ មានបញ្ចាំងនៅរោងភាពយន្តផ្លាទីនៀមចាប់ពីថ្ងៃទី១ ខែធ្នូ នេះតទៅ ៕

http://youtu.be/QHFkp5IpKNo

អានអត្ថបទ៖ ភាពយន្តពិភពដាយណូស័រ “Jurassic World” ចេញ Trailer សាហាវញាក់សាច់!

ប្រែសម្រួល៖ វ៉ាន់ថន ប្រភព៖ IMDB