ល្បីថាបឹងកេត យកគ្រូជនជាតិអឺរ៉ុប មកដឹកនាំក្នុងរដូវកាលថ្មី?

2014-09-27 16:45:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗព័ត៌មានលេចឮពីមាត់មួយទៅមាត់មួយរបស់អ្នកគាំទ្រកីឡាបាល់ទាត់ជាតិបានលើកឡើងថា ក្លិបបាល់ទាត់ចម្ការកៅស៊ូបឹងកេត នឹងនាំយកគ្រូបង្វឹកជនជាតិអឺរ៉ុប មកដឹកនាំក្រុមនារដូវកាលថ្មីនៃលីកកំពូលរបស់កម្ពុជា នៅប៉ុន្មានខែខាងមុខ។

រូបតំណាង

កន្លងមកលោក បែ មករា អ្នកចាត់ការក្រុមធ្លាប់លើកថា ក្លិបលោកនឹងរកគ្រូបង្វឹកជនជាតិបរទេសដើម្បីជំនួសតំណែងលោកគ្រូ ប្រាក់ វុទ្ធី ដែលធ្លាប់ដឹកនាំបឹងកេតនាពេលកន្លងមក។ មានគ្រូបង្វឹកជាច្រើនជាតិសាសន៍បានដាក់ពាក្យសុំដឹកនាំ ក្រុមដែលមានប្រភពមកពីខេត្តកំពង់ចាម មួយនេះ។ ប៉ុន្តែដំណឹងចុងក្រោយទំនងជាសាច់ការ ៧០% ទៅហើយនោះគឺគ្រូបង្វឹកថ្មីនេះគឺជាជនជាតិអឺរ៉ុប។

នៅមិនទាន់មានព័ត៌មានច្បាស់ការណាមួយចេញពីថ្នាក់ដឹកនាំក្លិបថា គ្រូបង្វឹករូបនោះជាជនជាតិអ្វីមកពីតំបន់អឺរ៉ុបនោះទេ ដោយរង់ចាំការជូនដំណឹងផ្លូវការរបស់ក្លិបតាមរយៈ Page Facebook ក្នុងពេលឆាប់ៗ។

បឹងកេតបានឡើងមកលេងក្នុងពានរង្វាន់លីកអាជីពកម្ពុជា រដូវកាល ២០១២ ហើយនៅឆ្នាំនោះដែរក្រុមនេះក៏ដណ្ដើមបានជើងឯកតែម្ដង។ រហូតដល់ឆ្នាំ ២០១៣ និង ២០១៤ បឹកកេតឈរត្រឹមចំណាត់ថ្នាក់ជើងឯករងប៉ុណ្ណោះ។ កត្តានេះទំនងជាមូលហេតុមួយដែលក្លិបត្រូវពង្រឹងក្បាលម៉ាស៊ីន ក្នុងការប្រយុទ្ធនាពេលខាងមុខទៀត៕