ត្រៀមខ្លួនចូលរួមមហោស្រពភាពយន្តអន្តរជាតិកម្ពុជាលើកទី ៥ហើយឬនៅ?

2014-12-03 19:10:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាប់ពីថ្ងៃទី ០៥ ដល់១០ ធ្នូខាងមុខ មហោស្រពភាពយន្តអន្តរជាតិកម្ពុជាលើកទី ៥ នឹងចាប់ផ្ដើមបើកដំណើរការឲ្យសាធារណជនបានចូលរួមទស្សនាដោយសេរីនូវភាពយន្តល្អៗរបស់កម្ពុជា និងភាពយន្តអន្តរជាតិផ្សេងទៀត។

គោលបំណងនៃព្រឹត្តិការណ៍វិស័យសោតទស្សន៍ធំបំផុតប្រចាំឆ្នាំនេះគឺដើម្បីផ្លាស់ប្ដូរវប្បធម៌រវាងប្រទេសដែលចូលរួម បទពិសោធន៍ និងគំនិតថ្មីៗក្នុងចំណោមអ្នកជំនាញភាពយន្ត និងយុវជនសម័យថ្មី។

ភាពយន្តខ្មែរ ៤ រឿងដែលត្រូវបានសម្រិតសម្រាំងយ៉ាងយកចិត្តទុកដាក់នឹងត្រូវដាក់បញ្ចាំងជាពិសេសឲ្យមហាជនបានទស្សនា។ ភាពយន្តទាំងនោះរួមមានរឿង "ដុំហ្វីលចុងក្រោយ" “The Gate” “កុំស្មានបងភ្លេច ខ្មែរបាត់បង់តន្ត្រីរ៉ក់" និងរឿង "Down This Road”។ ក្រៅពីនេះ មានភាពយន្តខ្មែរ និងភាពយន្តបរទេសជាច្រើនផ្សេងទៀតក៏នឹងត្រូវដាក់បញ្ចាំងនាឱកាសនោះដែរ។

បើតាមសម្ដីលេខាទីពីរ របស់ស្ថានទូតនៃសាធារណរដ្ឋកូរ៉េប្រចាំប្រទេសកម្ពុជា លោកស្រី KIM Hye-won នាពិធីពិសាភោជនាហារ និងសំណេះសំណាលជាមួយអ្នកសារព័ត៌មាននៅភោជនីយដ្ឋាន "Le Seoul” ម្សិលមិញថា ស្ថានទូតសាធារណរដ្ឋកូរ៉េនឹងរៀបចំកម្មវិធីពិសេសសម្រាប់ចូលរួមកម្មវិធីភាពយន្តដ៏ធំប្រចាំឆ្នាំមួយនេះ។ លោកស្រីថា ភាពយន្ត ៥ រឿងនឹងត្រូវបានដាក់បង្ហាញរួមមានរឿង "មនុស្សចចក" “សត្វកំណាច" “គ្រួសារវិលវិញ" “ដោះលែងខ្ញុំទៅ" និង "របាំងមុខ"។ ក្រៅពីការចាក់បញ្ចាំងរឿងទាំង ៥ រឿងនេះ ស្ថានទូតក៏មានរៀបចំពិព័រណ៍រូបថតដើម្បីធ្វើឲ្យកម្មវិធីកាន់តែចាប់អារម្មណ៍មួយកម្រិតទៀត។

ភាពយន្តដែលចូលរួមដាក់បង្ហាញក្នុងមហោស្រពភាពយន្តអន្តរជាតិកម្ពុជាលើកទី ៥នឹងត្រូវដាក់បញ្ចាំងតាមរោងភាពយន្តធំៗមួយចំនួនដូចជា រោងភាពយន្ត Major Cineplex, Platinum Cineplex (ផ្សារសូរិយា), Legend (ផ្សារទំនើបស៊ីធីម៉ល), វិទ្យាស្ថានបារាំង មជ្ឈមណ្ឌលបុប្ផាណា និងនៅមជ្ឈមណ្ឌលទីក្រុងកោះពេជ្រ។

មហោស្រពភាពយន្តអន្តរជាតិកម្ពុជាត្រូវបានរៀបចំឡើងដោយមជ្ឈមណ្ឌលបុប្ផាណា និងគណៈកម្មការភាពយន្តកម្ពុជាតាំងពីឆ្នាំ ២០១០មកនៅរៀងរាល់ដើមខែធ្នូ។ កម្មវិធីដ៏មហោឡារិកនេះទទួលបានការឧបត្ថម្ភពីក្រុមហ៊ុន Sabay និងក្រុមហ៊ុនជាច្រើនទៀត។ កុំភ្លេចចូលរួមទស្សនាឲ្យបានកុះករណា!

អត្ថបទ៖ សីហា

ពាក្យទាក់ទង

ជុំវិញសិល្បៈជាតិ ភាពយន្តជាតិ

អត្ថបទពេញនិយម

លម្អិត ពន្យល់កាន់តែច្បាស់ អ្នកចង់លេង Pokemon Go (វីដេអូ)

ដូចក្នុងរឿង ព្រេងនិទាន! កម្លោះ CEO រូបសង្ហា សុំ ព្រះអង្គម្ចាស់ក្សត្រិយ៍ នរោត្តម ពង្សសូរិយា រៀបការ

ចិន មិនញញើត អាមេរិក សូម្បីប៉ុនចុងក្រចក ចង់លេងអ្វីក៏បាន មិនថា សង្គ្រាមពន្ធ ឫ សង្គ្រាម ពាណិជ្ជកម្ម

Honda CBR ២០១៩ នេះកម្លាំងខ្លាំងណាស់ រត់លឿនដូចឡាន តែតម្លៃថ្លៃជាង!

ចិន ហាមអ្នកជំនាញផ្នែកបច្ចេកវិទ្យា AI ធ្វើដំណើរទៅ អាមេរិក ដោយសារមូលហេតុសំខាន់មួយ

TSMC ក្រុមហ៊ុនផលិតឈីប ធំជាងគេលើលោក ប្រកាសវិនិយោគ ១០០ ពាន់លានដុល្លារ នៅអាមេរិក

អត្ថបទថ្មី

ស្រ្តីជនជាតិជប៉ុន ជាប់ក្នុងបញ្ជី Guinness ជាជាងកាត់សក់ស្រីចំណាស់ជាងគេបំផុត ក្នុងពិភពលោក

មូលនិធិព្រីនស៍ បានរៀបចំកម្មវិធីសម្ភាសន៍ ជ្រើសរើសនិស្សិតពូកែ ដែលមានជីវភាពខ្វះខាត សម្រាប់អាហារូបករណ៍ ចេន ហ្ស៊ី ជំនាន់ទី៤

ប្រធានជាន់ខ្ពស់ពីសភាពាណិជ្ជកម្មអាមេរិក និងអឺរ៉ុប អញ្ជើញធ្វើទស្សនកិច្ចនៅអាកាសយានដ្ឋានអន្តរជាតិតេជោ

Szczęsny ៖ ការប្រកួតដ៏ល្អបំផុតរបស់ខ្ញុំមិនទាន់មកដល់ទេ