លទ្ធផល...ពីររឿងគាប់ជួននឹកស្មានមិនដល់ ឆន សុវណ្ណរាជ-ប៊ុត សីហា!

2014-12-04 16:54:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាផ្នែកនៃការកម្សាន្ត Sabay បានបង្ហើបពីរឿងគាប់ជួននឹកស្មានមិនដល់កើតមានលើ Coach ឆន សុវណ្ណរាជ និង កូនក្រុម ប៊ុត សីហា នាថ្ងៃម្សិលមិញ។ ប្រិយមិត្តជាច្រើន បានចូលរួមស្វែងរកចំណុចគាប់ជួននោះ ប៉ុន្តែ ៩៩ % រកឃើញចំណុចត្រឹមត្រូវតែមួយចំណុចប៉ុណ្ណោះ គឺ "ពួកគេមានភេទដូចគ្នា ខណៈក្រុមផ្សេងទៀត សុទ្ធតែមានភេទផ្ទុយគ្នា"។

ដូច្នេះនៅព្រឹកនេះ Sabay នឹងបង្ហើយចំពោះរឿងគាប់ជួនទាំងពីរនោះ៖

ទី១៖"ពួកគេមានភេទដូចគ្នា ខណៈក្រុមផ្សេងទៀត សុទ្ធតែមានភេទផ្ទុយគ្នា"។

ទី២៖ ពួកគេមានស្រុកកំណើតក្នុងខេត្តជាមួយគ្នា។

ប៊ុត សីហា ដែលជាម្ចាស់ពាន The Voice Cambodia ឆ្នាំទី១នេះ បានប្រាប់ Sabay ថាលោកមានស្រុកកំណើតនៅភូមិព្រះម្លប់ ស្រុកបរសេដ្ឋ ខេត្តកំពង់ស្ពឺ។ ដោយឡែកលោក ឆន សុវណ្ណរាជ វិញតាមគេហទំព័រ wikipedia បានឲ្យដឹងថាលោកមានស្រុកកំណើតនៅខេត្តកំពង់ស្ពឺដែរ ប៉ុន្តែមិនបានបញ្ជាក់ថា ភូមិណា ស្រុកណាទេ។

វិលមកការស្វះស្វែងរបស់ប្រិយមិត្តវិញតាមរយៈ Comment ពេញមួយថ្ងៃម្សិលមិញ ឃើញមានតែប្រិយមិត្តម្នាក់គត់ បានរកឃើញត្រឹមត្រូវទាំងពីរចំណុច ជាចំណុចគាប់ជួនកើតមានលើលោក ឆន សុវណ្ណរាជ និងលោក ប៊ុត សីហា។ ប្រិយមិត្តយើងរូបនោះ មានគណនី Facebook ឈ្មោះថា Sok Soun។ លោក បានបញ្ចេញលទ្ធផលស្វែងរកយ៉ាងខ្លីថា "ប្រុសដូចគ្នា និង ខេត្តដូចគ្នា "។

អត្ថបទ៖ រឿងគាប់ជួននឹកស្មានមិនដល់រវាង Coach និងកូនក្រុម សុវណ្ណរាជ-ប៊ុតសីហា

អត្ថបទផ្សេងទៀតពាក់ព័ន្ធនឹង The Voice Cambodia សូមចុចទីនេះ…!!!

តើប្រិយមិត្តចង់បានព័ត៌មាន បង្កប់ការកម្សាន្តល្បែងល្បងប្រាជ្ញានេះទៀតទេ?

អត្ថបទ៖ ទារិកា