ស្រីស្អាតចោលការងារនៅអាមេរិក មកលេងអាស៊ីធ្លាយដល់កម្ពុជា

2014-12-05 18:43:23
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាច្រើននៅអាមេរិក និងអឺរ៉ុប ចាប់ផ្ដើមងាកមកមើលអាស៊ីជាគោលដៅទេសចរណ៍អាទិភាព ដោយសារតំបន់នេះពោរពេញទៅដោយភោគផលធម្មជាតិ និងបុរាណវត្ថុនានារាប់មិនអស់។ ក្នុងចំណោមនោះ ដែនដីសុវណ្ណភូមិកម្ពុជាដែលមានអង្គរវត្ត ជាសម្បត្តិបេតិកភណ្ឌពិភពលោក និងជាប្រាសាទឧទ្ទិសសាសនាធំជាងគេ ក៏បានទាក់ទាញភ្ញៀវទេសចរបរទេសជាច្រើនផងដែរ។

នាង Jennifer Diamond និងនាង Hilary Walke ពេលកំពុងដើរលេងនៅអង្គរវត្ត

កាលពីពេលថ្មីៗនេះ គេហទំព័រ Business Insider បានចុះផ្សាយពីជីវិតផ្សងព្រេងរបស់នារីរូបស្រស់ពីរនាក់ ដែលលះបង់ការងារនៅក្រុងញូយ៉ក សហរដ្ឋអាមេរិក ដើម្បីចំណាយពេល ៧ខែ ធ្វើដំណើរកម្សាន្តនៅប្រទេសជាច្រើនក្នុងតំបន់អាស៊ី ដែលក្នុងនោះមានទាំងប្រទេសកម្ពុជាផង។

នារីទាំងពីរនាក់ កំពុងទិញកាហ្វេនៅភ្នំពេញ

ការពិតដំណើរកម្សាន្តរបស់ពួកគេបានចាប់ផ្ដើមតាំងពីខែកញ្ញា ឆ្នាំមុន ប៉ុន្តែក្រោយពេលពួកគេត្រលប់ទៅដល់សហរដ្ឋអាមេរិកវិញ ទើបផ្ញើរូបទាំងអស់ និងបទពិសោធន៍ដែលធ្លាប់ជួបប្រទះក្នុងប្រទេសនានានៅតំបន់អាស៊ី ឲ្យគេហទំព័រដ៏ធំនៅអាមេរិកធ្វើការចុះផ្សាយ។

ដៃគូដែលរួមដំណើរជាមួយគ្នាទាំងពីរនាក់មាន នាង Jennifer Diamond និងនាង Hilary Walke ដែលមានវ័យ ២៦ឆ្នាំដូចគ្នា។ ពួកគេបានធ្វើដំណើរកម្សាន្តនៅក្នុងប្រទេសចំនួន ១២នៅអាស៊ី និងរាប់អានមិត្តជាច្រើន បង្កើតបានជាអនុស្សាវរីយ៍ចងចាំមិនភ្លេច។

ពួកគេបានប្រាប់ថា ដំណើរកម្សាន្តធ្វើទៅតាមសាច់រឿងក្នុងសៀវភៅ The Lost Girls ដែលនារីបីនាក់កំពុងរស់នៅក្រុងញូយ៉ក បានលាឈប់ពីការងារដើម្បីធ្វើដំណើរជុំវិញពិភពលោករយៈពេលមួយឆ្នាំ។ បន្ទាប់ពីគិតរួច ពួកគេបានកក់សំបុត្រយន្តហោះមកទីក្រុងតូក្យូដោយគ្មានការស្ទាក់ស្ទើរ។

ស្នាមញញឹមកុមារកម្ពុជា ថតដោយអ្នកទេសចរស្រីទាំងពីរនាក់

នាង Hilary បានប្រាប់ Business Insider "ដើម្បីត្រួសត្រាយផ្លូវធ្វើដំណើរ យើងមើលផែនទី... ហើយមើលប្រទេសដែលយើងចង់ទៅ... យើងមិនអាចរៀបគម្រោងដើរលេង ៧ខែ ទុកមុនទេ... ត្រូវបត់បែនតាមកាលៈទេសៈទើបសប្បាយ"។

នាង Hilary បានបន្តទៀតថា "យើងអង្គុយនៅផ្ទះតូចជាប់ឆ្នេរសមុទ្រ ជាមួយមិត្តភក្តិថ្មីនៅទីនោះ ហើយលេងបៀរ ដេញហ្គីតា ច្រៀងចម្រៀង សើចជាមួយគ្នា... អត់បារម្ភយើងនៅលើកោះទេ។ យើងពិតជាចង់រស់នៅបែបនោះរហូតណាស់"។

ពួកគេទាំងពីរនាក់ បានត្រលប់ទៅដល់អាមេរិកវិញ ដោយសុវត្ថិភាព និងបន្សល់ទុកអនុស្សាវរីយ៍ជាច្រើននៅលើទឹកដីអាស៊ី។ បន្ទាប់ពីទៅដល់អាមេរិកវិញ ពួកគេបានចែករំលែកបទពិសោធន៍ និងរូបថតទាំងអស់នេះ ដល់មនុស្សគ្រប់គ្នាតាមគេហទំព័រ Business Insider៕

ខាងក្រោមជាកម្រងរូបភាព ដែលពួកគេថតបាននៅប្រទេសនានាក្នុងតំបន់អាស៊ី៖