២៦ឆ្នាំ ដើរលេងបាន ២១៥ប្រទេស ដោយឡានកញ្ចាស់មួយ

2014-10-29 16:14:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ជីវិតដែលមានន័យ គឺពោរពេញដោយការផ្សងព្រេង និងបទពិសោធន៍ប្លែកៗ។ ដូចគ្នានេះដែរ បុរសជនជាតិអាល្លឺម៉ង់ម្នាក់បានចំណាយពេលជិត ៣ទសវត្សរ៍ ធ្វើដំណើរកម្សាន្តផ្សងព្រេងជុំវិញពិភពលោក ក្នុងចម្ងាយជិត ១លានគីឡូម៉ែត្រ ឆ្លងកាត់ ២១៥ប្រទេស។

លោក Gunther Holtorf បានចាប់ផ្ដើមដំណើរកម្សាន្តនេះ បន្ទាប់ពីលាឈប់ការងារ និងបានសាងចំណងស្នេហ៍ជាមួយប្រពន្ធទីបួនឈ្មោះ Christine។ មុនដំបូងពួកគេបានធ្វើដំណើរទៅអាហ្វ្រិក បន្ទាប់មកក៏បន្តដំណើរទៅតំបន់នានាទៀត។ ដំណើរផ្សងព្រេងនេះ មិនចំណាយលុយច្រើនដូចអ្នកទេសចរទូទៅទេ។ ពួកគេបានទិញអាហារពីផ្សារមកទទួលទាន និងគេងក្នុងឡានកញ្ចាស់នោះតែម្ដង។

ទោះយ៉ាងណា គូរស្នេហ៍ទាំងពីរមិនអាចបន្តដំណើរជាមួយគ្នារហូតដល់គោលដៅទេ។ Christine ដែលជាប្រពន្ធបានលាចាកលោកក្នុងឆ្នាំ ២០១០ ដោយជំងឺមហារីក ប៉ុន្តែ Gunther នៅតែសម្រេចបន្តដំណើរផ្សងព្រេងម្នាក់ឯង។ ប៉ុន្មានខែក្រោយមក ទើបកូនរបស់លោក បានចូលរួមដំណើរកម្សាន្តមកកាន់តំបន់អាស៊ី ដែលមានប្រទេសស្រីលង្កា ចិន និងកូរ៉េខាងត្បូងជាដើម។

ឆ្នាំនេះ Gunther Holtorf បានបញ្ចប់បេសកកម្មផ្សងព្រេងហើយ ក្នុងវ័យ ៧៧ឆ្នាំ លើចម្ងាយផ្លូវប្រមាណ ៨៩៤៦០៤គីឡូម៉ែត្រ។ ពេលត្រលប់ទៅប្រទេសអាល្លឺម៉ង់វិញ លោកបាននិយាយថា "ពេលដើរលេងកាន់តែច្រើន ទើបដឹងថាភ្នែកយើងធ្លាប់ឃើញកាន់តិច"៕