យុវជនមួយក្រុមច្នៃខ្មោចម៉ូតូ បង្កើតម៉ូដថ្មីសម្រស់ម៉ាអេម

2014-12-08 17:48:59
ចំនួនមតិ 0 | ចំនួនចែករំលែក 0

ចន្លោះមិនឃើញ

យុវជនមួយក្រុមបានច្នៃម៉ូតូចាស់ៗស្ទើរតែក្លាយជាខ្មោចម៉ូតូទៅហើយ ក្លាយជាម៉ូតូដែលមានរូបរាងថ្មី គុណភាពល្អ ថែមទាំងមានសម្រស់ស្រស់ស្អាតថែមទៀតផង។

លោក ហាក់ ដារ៉ា តំណាងក្រុម Cambodia Custom Bike បានឲ្យដឹងថាក្រុមលោកបង្កើតឡើងអស់រយៈពេល ៨ ឆ្នាំមកហើយ មានគ្នាប្រមាណ ១៥ នាក់ ដែលជាអ្នកចូលចិត្តច្នៃម៉ូតូលេងដើម្បីកម្សាន្តសប្បាយ។

លោកថា ក្រុមលោកបានយកម៉ូតូចាស់ៗដែលស្ទើរតែប្រើការលែងកើត ទៅច្នៃចេញជាម៉ូតូមួយថ្មីអាចប្រើប្រាស់បាន និងថែមទាំងមានសម្រស់ស្រស់ស្អាតទៀតផង។ លោកបន្តថា ពេលវេលានៃការកៃច្នៃម៉ូតូនេះ គឺក្រុមទាំងអស់ប្រមូលគ្នាតែពេលទំនេរតែប៉ុណ្ណោះ ព្រោះសមាជិកម្នាក់ៗសុទ្ធតែមានការងាររៀងៗខ្លួន និងមួយចំនួននៅសិក្សានៅឡើយ។

ការច្នៃម៉ូតូចាស់ៗរបស់ក្រុម Cambodia Custom Bike កើតចេញពីគំនិតពិតៗ ដោយពេលខ្លះយកម៉ាស៊ីនកាត់ស្មៅ ឬ ម៉ាស៊ីនកិនទឹកអំពៅទៅច្នៃជាដើម។ សម្រាប់ការច្នៃចេញជារូបរាងម៉ូតូមួយអាចជិះ និង ធ្វើដំណើរឆ្ងាយៗបានគឺប្រហែលជាចំណាយលុយប្រហែល ៥០០ ដុល្លារឡើង។

លោក ហាក់ ដារ៉ា បានឲ្យដឹងថា កន្លងទៅក្រុមរបស់លោកបានយកម៉ូតូដែលច្នៃយកទៅចូលរួមកម្មវិធីដំណើរកម្សាន្ត និងទទួលបានការចាប់អារម្មណ៍ជាច្រើន។ ជាពិសេសក៏ធ្លាប់ទទួលបានប័ណ្ណសរសើរពីស្ថាប័នមួយចំនួន។

ការច្នៃម៉ូតូចាស់ៗកន្លងទៅនេះ ក៏ធ្លាប់រងការរិះគន់ពីពលរដ្ឋក្នុងស្រុកមួយចំនួនដោយសារគិតថាមិនមានសុវត្ថិភាព និងមិនសមស្របសម្រាប់ប្រើប្រាស់នៅលើផ្លូវថ្នល់។

លោក នុយ ឆាយាសិតារិទ្ធ សមាជិកក្រុមមួយរួបទៀតបានឲ្យដឹងដែរថា ទោះបីជាមានការរិះគន់ពីអ្នកដទៃក៏ក្រុមលោកមួយនេះនៅតែបន្តរៀបចំ និង ថែរក្សាក្រុមកែច្នៃរបស់ខ្លួនឲ្យបានល្អទៅមុនជារៀងរហូត ហើយនឹងព្យាយាមបង្កើតភាពច្នៃប្រឌិតលើម៉ូតូចាស់ៗផ្សេងទៀត ប្រសើរជាងយកម៉ូតូទាំងនោះទៅបោះចោលឬធ្វើជាខ្មោចម៉ូតូលើគំនរសំរាម។

លោកបន្តថា ពេលក្រុមការងារចេញដំណើរកម្សាន្តជិះម៉ូតូ Custom Bike ដែលបានច្នៃទាំងនោះសមាជិកក្រុមទាំងមូលតែងតែផ្សព្វផ្សាយពីចរាចរណ៍ និង ផ្ដល់វិភាគទានមួយចំនួនមួយចំនួនដល់ជនទីទាល់ក្រនៅចុងកាត់មាត់ញកទោះបីតិចតួចក្តីតែនេះជាទឹកចិត្តរបស់ក្រុមលោក។

http://youtu.be/6SwD4nNu290

ចុចអាន៖ យុវជនមួយក្រុមច្នៃម៉ូតូចាស់ៗ បង្កើតម៉ូដថ្មីចេញសម្រស់ម៉ាអេម

ចុចអានពី អត្ថបទទាក់ទងនឹងស្នាដៃយុវជនខ្មែរ

អត្ថបទ៖ ដារ៉ាឆានី

ពាក្យទាក់ទង

ព័ត៌មានបច្ចេកវិទ្យាក្នុងស្រុក ស្នាដៃយុវជនបច្ចេកវិទ្យាខ្មែរ

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

អត្ថបទថ្មី

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas