៨រឿង កក្រើករញ្ជួយពិភពសិល្បៈ KPOP នៅឆ្នាំ២០១៤

2014-12-08 23:10:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ២០១៤ គឺជាឆ្នាំដ៏ច្របូកច្របល់បំផុតក្នុងប្រវត្តិសាស្ត្រនៃពិភពសិល្បៈកូរ៉េ។ ចាប់តាំងពីខែមករា ដល់ខែធ្នូ វិស័យសិល្បៈកូរ៉េគ្របដណ្ដប់ទៅដោយរឿងអាស្រូវ សោកនាដកម្ម និងជម្លោះមិនចេះចប់រវាងក្រុមតារា និងផលិតកម្ម។ ព័ត៌មានខ្លះក៏រីករាយដោយសារតារាៗបានជួបមនុស្សដែលពួកគេស្រឡាញ់ ប៉ុន្តែព័ត៌មានខ្លះទៀតពោរពេញដោយទុក្ខសោកដូចជាគ្រោះថ្នាក់ចរាចរណ៍ និងហេតុការណ៍ផ្សេងៗដែលបណ្ដាលឲ្យមនុស្សរាប់រយនាក់បាត់បង់ជីវិត។

ខាងក្រោមនេះគឺជាព្រឹត្តិការណ៍សំខាន់ៗទាំង ៨ដែលបានកើតឡើងក្នុងពិភពសិល្បៈកូរ៉េរយៈពេលមួយឆ្នាំនេះ៖

១. គ្រោះថ្នាក់ចរាចរណ៍របស់ក្រុម Ladies' Code

កាលពីដើមខែកញ្ញា សមាជិកក្រុមចម្រៀងនារី Ladies' Code បានជួបគ្រោះថ្នាក់ចរាចរណ៍ដ៏រន្ធត់មួយដែលបណ្ដាលឲ្យសមាជិកក្រុមពីររូបគឺ EunB និង RiSe បានបាត់បង់ជីវិត។ បន្ទាប់ពីហេតុការណ៍នេះកើតឡើង អ្នកគាំទ្រតារា Kpop ជុំវិញពិភពលោកបានចូលរួមរំលែកទុក្ខ និងបានបោះឆ្នោតឲ្យបទចម្រៀង "I'm Fine Thank You” របស់ក្រុមចម្រៀងនេះជាប់លេខ១លើតារាងចម្រៀងផ្សេងៗ។ បច្ចុប្បន្នអ្នកគ្រប់គ្រងរបស់គេ Manager Park ដែលជាអ្នកបើកបរកំពុងស្ថិតក្នុងការឃាត់ខ្លួនពីបទបើកបរមិនប្រុងប្រយ័ត្ន និងហួសល្បឿនកំណត់។

២. ជម្លោះសមាជិកក្រុម EXO និង B.A.P ជាមួយផលិតកម្ម

ក្រុមចម្រៀង EXO បានក្លាយជាក្រុមចម្រៀងឈានមុខគេសម្រាប់ឆ្នាំ២០១៤ ប៉ុន្តែពួកគេក៏ជួបប្រទះបញ្ហាច្រើនដែរក្នុងឆ្នាំនេះ។ រយៈពេលតែ១សប្ដាហ៍មុនពេល EXO ចាប់ផ្ដើមការប្រគំតន្ត្រីទោលដំបូង សមាជិក Kris បានដាក់ពាក្យប្ដឹងសុំបញ្ចប់កុងត្រាជាមួយផលិតកម្ម SM ដោយអះអាងថាខាងផលិតកម្មបានកេងចំណេញលើកម្លាំងពលកម្មគេច្រើនហួសហេតុ។

នៅខែតុលា សមាជិកសញ្ជាតិចិនម្នាក់ទៀត គឺ Luhan បានដាក់ពាក្យប្ដឹងសុំបញ្ចប់កុងត្រាពីផលិតកម្ម ដោយសម្អាងលើហេតុផលដូច Kris ដែរ។ មុននឹងរឿងនេះកើតឡើង Luhan បានអវត្តមានក្នុងការសម្ដែង Concert ក្រៅប្រទេសមួយចំនួនរបស់ផលិតកម្ម SM ដោយសារបញ្ហាសុខភាព។ បច្ចុប្បន្នទាំង Luhan និង Kris បានក្លាយជាតារាឯករាជ្យនៅប្រទេសចិន។

ដោយឡែកក្រុម B.A.P វិញ សមាជិកទាំង ៦នាក់ បានដាក់ពាក្យប្ដឹងសុំបញ្ចប់កុងត្រាជាមួយផលិតកម្ម TS Entertainment ទាំងអស់គ្នា ដោយបានអះអាងថាកុងត្រាចាស់របស់ពួកគេ ផ្ដល់ផលប្រយោជន៍តែខាងផលិតកម្មតែប៉ុណ្ណោះ។

៣. Jessica ចាកចេញពីក្រុម Girls' Generation

ក្រុមចម្រៀងនារី Girls' Generation ក៏បានជួបបញ្ហាបែកបាក់សមាជិកក្រុមនៅឆ្នាំនេះដែរ។ កាលពីខែកញ្ញា កន្លងទៅ សមាជិក Jessica Jung បានចាកចេញពីក្រុមជាផ្លូវការ ដោយសារបញ្ហាផ្ទាល់ខ្លួន។ ដូច្នេះឥលូវនេះក្រុមរបស់ពួកគេមានសមាជិកតែ ៨នាក់ប៉ុណ្ណោះ។ ដោយសារ Girls' Generation គឺជាក្រុមល្បីជាងគេក្នុងវិស័យចម្រៀង K-POP ព័ត៌មានបានក្លាយជារឿងដ៏គួរឲ្យភ្ញាក់ផ្អើលសម្រាប់បណ្ដាអ្នកគាំទ្រទាំងក្នុងនិងក្រៅប្រទេសកូរ៉េ។

៤. ហេតុការណ៍លិចនាវាចម្លង Sewol

កាលពីថ្ងៃទី១៦ ខែមេសា សោកនាដកម្មដ៏ធំមួយបានកើតឡើង ដោយនាវាចម្លង Sewol ដែលផ្ទុកអ្នកដំណើរចំនួន ៤៧៦នាក់បានលិច បណ្ដាលឲ្យមនុស្សចំនួន ៣០៤នាក់បានស្លាប់។

ក្រោយហេតុការណ៍នេះ សកម្មភាពសិល្បៈកម្សាន្តនានាត្រូវបានផ្អាកជាច្រើនសប្ដាហ៍ ដើម្បីជាការកាន់ទុក្ខដល់សិស្សានុសិស្ស និងជនរងគ្រោះដែលបានបាត់បង់ជីវិតក្នុងហេតុការណ៍នេះ។

តារាចម្រៀងច្រើនក្រុមរួមមាន EXO, G.NA, Block B, INFINITE និង Gummy ដែលត្រូវចេញបទចម្រៀងនៅពាក់កណ្ដាលខែមេសា និងខែឧសភា បានពន្យារពេលការវិលត្រលប់មួយរយៈធំ និងបានរៀបចំកាលវិភាគសម្ដែង Concert ផ្សេងៗសារជាថ្មី។

៥. Kim Hyun Joong ប្រើអំពើហិង្សាលើមិត្តស្រីយ៉ាងដំណំ

កាលពីខែសីហា តារាចម្រៀងនិងសម្ដែង Kim Hyun Joong បានធ្វើឲ្យអ្នកគាំទ្រជាច្រើនខកចិត្ត បន្ទាប់ពីតារារូបនេះត្រូវអតីតសង្សារប្ដឹង ចោទប្រកាន់ថាបានប្រើអំពើហិង្សាលើរាងកាយរបស់នាងជាច្រើនលើក។

បន្ទាប់ពីចូលខ្លួនឆ្លើយសំណួរប៉ូលិស Kim Hyun Joong បានបង្ហោះពាក្យសុំទោសមិត្តស្រីរបស់ខ្លួនជាសាធារណតាមរយៈបណ្ដាញសង្គម និងទទួលស្គាល់ថាខ្លួនបានធ្វើនូវទង្វើដែលមិនសមរម្យទាល់តែសោះ។ ដោយយល់ថា Kim ដឹងខ្លួនខុស អតីតសង្សារម្នាក់នោះក៏បានដកពាក្យបណ្ដឹងវិញ។

៦. មនុស្ស១៦នាក់ស្លាប់ក្នុងការប្រគំតន្ត្រីរបស់ក្រុម 4Minute

កាលពីល្ងាចថ្ងៃទី១៧ ខែតុលា ក្នុងកម្មវិធីប្រគំតន្ត្រី Techno Valley Festival មនុស្សចំនួន ២៧នាក់បានធ្លាក់ចូលរណ្ដៅជម្រៅជាង ១០ម៉ែត្រ ដែលក្នុងនោះមនុស្ស ១៦នាក់បានស្លាប់ ក្នុងហេតុការណ៍បាក់រនាំងដែកដែលគេទុកប្រឡោះខ្យល់ចេញចូលសម្រាប់ផ្លូវក្រោមដី។

គ្រោះថ្នាក់នេះបានកើតឡើងអំឡុងពេលការសម្ដែងរបស់ក្រុមចម្រៀង 4minute ដែលពេលនោះសមាជិកទាំងអស់នៅលើឆាកមិនបានដឹងពីរឿងនេះឡើយ។

៧. តារាចម្រៀងផលិតកម្ម SM ជាច្រើននាក់ចាប់ផ្ដើមមានស្នេហា

ឆ្នាំ២០១៤ជាឆ្នាំដែលតារាកូរ៉េជាច្រើននាក់បានលាតត្រដាងអំពីទំនាក់ទំនងស្នេហារបស់ខ្លួន ដែលក្នុងនោះ តារាភាគច្រើនមកពីផលិតកម្ម SM Entertainent។ គ្រាន់តែចូលដល់ថ្ងៃទី១ ខែមករា ព័ត៌មានស្នេហារបស់តារាចម្រៀង Yoona ក្រុម Girls' Generation និងតារាចម្រៀង Lee Seung Gi ក៏បានផ្ទុះឡើង និងបានទាក់ទាញចំណាប់អារម្មណ៍មហាជនជាច្រើន។ ក្រោយមកមានគូស្នេហ៍តារាៗជាច្រើនគូទៀតបានបង្ហាញមុខ រួមមាន Sooyoung ក្រុម Girls' Generation ជាមួយតារាសម្ដែង Jung Kyung Ho, Tiffany ក្រុម Girls' Generationជាមួយ Nichkhun ក្រុម 2PM, Taeyoen ក្រុម Girls' Generaion ជាមួយ Baekhyun ក្រុម EXO, និងចុងក្រោយគឺ Sungmin ក្រុម Super Junior។

អានអត្ថបទ៖គូស្នេហ៍តារាល្បីកូរ៉េប្រចាំឆ្នាំ២០១៤ ទាំង ១២គូ មើលទៅមួយគូណាសមគ្នាជាងគេ?

៨. Seungri របស់ក្រុម BIGBANG ជួបគ្រោះថ្នាក់ចរាចរណ៍

កាលពីថ្ងៃទី១២ ខែកញ្ញា សមាជិកក្រុម BIGBANG Seungri បានជួបគ្រោះថ្នាក់ចរាចរណ៍ក្រឡាប់ឡាន បន្ទាប់ពីរថយន្ត Porsche ដែលគេបើក បុកជាមួយភាគីម្ខាងទៀតដែលជិះរថយន្ត Benz និងក្រោយមកទៅបុករនាំងផ្លូវ។ ទាំងប៉ូលិស និងផលិតកម្ម YG បានអះអាងថា គ្រោះថ្នាក់ចរាចរណ៍នេះមិនមែនបណ្ដាលមកពីការប្រើប្រាស់គ្រឿងស្រវឹងនោះទេ។ បើទោះជារបាយការណ៍និយាយថា Seungri មិនមានគ្រោះថ្នាក់ធ្ងន់ធ្ងរ ប៉ុន្តែតារារូបនេះបានសម្រាកព្យាបាលនៅមន្ទីរពេទ្យជាច្រើនសប្ដាហ៍ ៕

អានអត្ថបទ៖កម្រងរូបភាពយ៉ាប់ៗ ដែលតារាកូរ៉េខំលាក់មិនចង់ឲ្យ Fan ឃើញ

ប្រែសម្រួល៖ វ៉ាន់ថន ប្រភព៖ koreaboo

ពាក្យទាក់ទង

តារាកូរ៉េ

អត្ថបទពេញនិយម

គម្រោងស្ពានផ្សារចាស់-ជ្រោយចង្វារ-អរិយក្សត្រ កំពុងស្ថិតក្នុងដំណាក់កាលណាហើយ?

ខែភ្លៀង ត្រៀមឱ្យហើយ! ពេលបើកម៉ូតូកាត់ទឹក ស្រាប់តែរលត់ម៉ាស៊ីន គឺត្រូវធ្វើតាមវិធីទាំងនេះ បើមិនចង់ឱ្យខូចធ្ងន់លើសដើម

ត្រឹម៥ខែប៉ុណ្ណោះ! បដិមាបុរាណខ្មែរជាច្រើន ត្រូវបានជីកកំណាយរកឃើញ និងវិលត្រឡប់ពីបរទេស

កូនកាត់ម្នាក់ទៀតហើយ! សឺរីដេន អានីសាហុន កូនកាត់ខ្មែរ-អង់គ្លេស ដាក់ពាក្យប្រកួតបវរកញ្ញា

ផលិតករ K-Pop ម្នាក់ត្រូវបានកាត់ទោសឲ្យជាប់ពន្ធនាគារពីបទក្លែងខ្លួនជាសមាជិក BTS

កាត់បន្ថយហានិភ័យច្រើនណាស់! បច្ចេកវិទ្យាជប៉ុនថ្មីមួយ ជួយការពារមិនឱ្យរបូតកង់ឡាន ពេលកំពុងបើកបរ

អត្ថបទថ្មី

រវល់ជាមួយការងារប៉ុណ្ណាក៏ដោយ Taylor ឆ្លៀតពេលសាកថ្មជីវិតជាមួយមិត្តប្រុសយ៉ាងផ្អែមល្ហែម

ក្ដីស្រឡាញ់ និងឆន្ទៈចង់ឈ្នះមេដាយជូនជាតិក្រុមកាយវប្បកម្មចំណាយថវិកាផ្ទាល់ខ្លួនមិនតិចទេសម្រាប់ការប្រកួតជើងឯកអាស៊ីអាគ្នេយ៍

មានលុយធ្វើអីក៏សម បុរសម្នាក់ប្រើជីវិតបែបអភិជន រហូតគេដាក់ឈ្មោះថាជា «Kim Kardashian ចិន»

គម្រោងប្រព័ន្ធធារាសាស្រ្តថ្មី២នេះ នឹងបម្រើដល់វិស័យកសិកម្មក្នុងខេត្តកំពង់ធំ យ៉ាងធំធេង

Toyota ចាយលុយដល់ ១,៤ពាន់លានដុល្លារ ដើម្បីផលិតរថយន្តអគ្គិសនីកៅអី ៣ជួរ