មហាសេដ្ឋីចិត្តសប្បុរស ចង់ទទួលបានកំណត់ត្រាពិភពលោក
- 2014-12-11 21:11:45
- ចំនួនមតិ 0 | ចំនួនចែករំលែក 0
មហាសេដ្ឋីចិត្តសប្បុរស ចង់ទទួលបានកំណត់ត្រាពិភពលោក
ចន្លោះមិនឃើញ
មហាសេដ្ឋីចិត្តសប្បុរស Chen Guangbiao ដែលជាមនុស្សមានឥទ្ធិពលម្នាក់នៅប្រទេសចិន ពេលនេះកំពុងស្វែងរកការគ្រងតំណែងម្ចាស់កំណត់ត្រាពិភពលោក Guinness World Records។
មហាសេដ្ឋីកម្រិតអនុបណ្ឌិតរូបនេះបាននិយាយថាលោកមានប័ណ្ណសរសើរជាង ៤ពាន់ និងបដាក្រណាត់ ៣ម៉ឺនផ្ទាំងទៀត បញ្ជាក់ពីទង្វើល្អរបស់លោក និងចង់ប្រើរបស់ទាំងអស់នេះ ដើម្បីទទួលបានកំណត់ត្រាពិភពលោក។
លោក Chen បាននិយាយថា "បើឲ្យខ្ញុំរើសរវាង ១០០លានយាន់(១៦លានដុល្លារ) និងប័ណ្ណកិត្តិយសមួយសន្លឹក... ខ្ញុំប្រាកដជារើសយកប័ណ្ណកិត្តិយស... ខ្ញុំស្រលាញ់កិត្តិយស ដូចជីវិតខ្ញុំអីចឹង"។
កាលពីដើមឆ្នាំ ២០១៤នេះ មហាសេដ្ឋីវ័យ ៤៦ឆ្នាំ បានបង្កើតកម្មវិធីសប្បុរសធម៌នៅក្រុង New York សហរដ្ឋអាមេរិក។ ពេលនោះលោកបានសន្យាផ្ដល់ប្រាក់ឲ្យជនអនាថា ១០០០នាក់ ដោយក្នុងម្នាក់ៗទទួលបានលុយសុទ្ធ ៣០០ដុល្លារ៕
ចុចអាន៖ កំពូលអ្នកមានដាច់គេទាំង៥ របស់ប្រទេសឥណ្ឌូណេស៊ី
ប្រែសម្រួល៖ គង់ វិសាល ប្រភព៖ shanghaiist