គ្រាន់តែថើបសោះ អាចមានប្រយោជន៍ច្រើនដល់ម្ល៉ឹងផង!

2014-12-12 17:04:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ថើប មិនត្រឹមតែបង្ហាញពីសេចក្ដីស្រលាញ់ដ៏ផ្អែមល្ហែម និងអាចជួយឲ្យគូស្នេហ៍យល់ចិត្តគ្នាប៉ុណ្ណោះទេ ប៉ុន្តែវាថែមទាំងអាចមានប្រយោជន៍ចំពោះសុខភាពជាច្រើនផងដែរ។ ខាងក្រោមនេះជាអត្ថប្រយោជន៍សុខភាព៦យ៉ាងដែលបានមកពីការថើប៖

១. កាត់បន្ថយសម្ពាធឈាម

ការថើបជួយពង្រីកសរសៃឈាម ដែលអាចជួយកាត់បន្ថយសម្ពាធឈាមបាន មិនឲ្យឡើងខ្ពស់បាន។

២. បំបាត់អាការៈឈឺក្បាល

ការជួយឲ្យសរសៃឈាមរីកធំដូចបញ្ជាក់ខាងលើ ក៏មានឥទ្ធិពលក្នុងការបំបាត់អាការៈឈឺចាប់ផងដែរ ជាពិសេសការឈឺក្បាល ឬការឈឺចាប់ពេលមានរដូវ។

៣. ទប់ស្កាត់ធ្មេញប្រហោង ឬដង្កូវស៊ីធ្មេញ

ការថើបអាចជួយបង្កើនការផលិតទឹកមាត់នៅក្នុងមាត់ ហើយអាចជួយសម្អាតកំណកកំបោលើធ្មេញ ដែលអាចនាំឱ្យធ្មេញប្រហោង។ បាក់តេរីដែលបង្កឲ្យធ្មេញប្រហោង ក៏អាចត្រូវបានបញ្ជូនតាមរយៈការថើប ជាពិសេសប្រសិនបើមនុស្សដែលអ្នកកំពុងថើបមានបញ្ហាមាត់។

៤. ធ្វើឲ្យមានអារម្មណ៍រីករាយស្រស់ស្រាយ

ការថើបធ្វើឲ្យខួរក្បាលរបស់អ្នកបញ្ចេញអ័រម៉ូនដែលទាក់ទងនឹងអារម្មណ៍សប្បាយរីករាយ ដូចជាអ័រម៉ូន serotonin, dopamine និង oxytocin។ មិនត្រឹមតែជួយឲ្យអ្នកមានអារម្មណ៍រីករាយប៉ុណ្ណោះទេ វាក៏ជួយឲ្យទំនាក់ទំនងស្នេហារបស់អ្នកកាន់តែរឹងមាំផងដែរ។

៥. ដុតបំផ្លាញកាឡូរី

ទោះមិនអាចជំនួសការហាត់ប្រាណបានទាំងស្រុងក៏ពិតមែន ប៉ុន្តែការថើបដ៏រោលរាលមួយ អាចដុតបំផ្លាញពី៨ទៅ១៦កាឡូរី។ ដូចនេះមិនត្រូវថើបឲ្យតែបានបាននោះឡើយ។

៦. បង្កើនការជឿជាក់លើខ្លួនឯង

ការសិក្សាមួយបានរកឃើញថាបុរសដែលទទួលបានការថើបយ៉ាងងប់ងុល មុនពេលពួកគេចេញទៅធ្វើការងារ គឺអាចរកប្រាក់ចំណូលបានច្រើនជាងធម្មតា។ នេះបង្ហាញថាការថើប អាចធ្វើឲ្យមនុស្សមានអារម្មណ៍ស្រស់ថ្លា មានកម្លាំងចិត្ត និងជំនឿចិត្ត ដែលអាចឲ្យសម្រេចការងារបានប្រសើរជាងធម្មតា។

ចុចអានអត្ថបទសុខភាព និងសម្រស់ជាច្រើនទៀត

ប្រែសម្រួល៖ ទ្រី រ៉ាវី

ប្រភព៖ mercola