តិចអត់ដឹង ត្រីមាននៅស្រុកខ្មែរជាប់កំណត់ត្រាពិភពលោក!

2014-09-29 17:51:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ទន្លេមេគង្គ ដែលហូរកាត់ប្រទេសកម្ពុជា សម្បូរទៅដោយមច្ឆាចម្រុះជាច្រើន។ ក្នុងនោះ គេសង្កេតឃើញមច្ឆាយក្សបួន ហើយក្នុងចំណោមមច្ឆាយក្សទាំងបួននោះ មានត្រីមួយបានជាប់ជាកំណត់ត្រាពិភពលោកទៀតផង។ តើជាត្រីអី? មើលខាងក្រោមនេះឃើញហើយ!

ត្រីគល់រាំង៖ ជាត្រីស្រកាមានមាឌធំ។ បើយោងតាមទូរទស្សន៍ National Geographic Channel ដែលបានប្រទះនឹងត្រីនេះក្នុងឆ្នាំ២០០០ បានឲ្យដឹងថា ត្រីគល់រាំងនេះមានទម្ងន់រហូតដល់៣០០គីឡូក្រាមឯណោះ ប៉ុន្តែទូរទស្សន៍ផ្សាយពីសត្វគ្រប់ប្រភេទមួយនេះក៏មិនទាន់ដឹងថា ត្រីគល់រាំងដែលធំបំផុតមានទម្ងន់ប៉ុណ្ណាដែរ។

-អានអត្ថបទ៖ បរទេសជិះទូកឌឺកណ្ដាលក្រុងភ្នំពេញ ក្រោយភ្លៀងធំព្រឹកមិញ (វីដេអូ)

ត្រីបបែល៖ ជាមច្ឆាមានរាងសំប៉ែតមូល និងមានកន្ទុយវែង។ ត្រីបបែលមានច្រើនប្រភេទ ហើយគេហៅឈ្មោះវាទៅតាមទ្រង់ទ្រាយ ឬសម្បុររបស់វា ឧទាហរណ៍ដូចជាបបែលខ្លា គឺមានសម្បុរដូចសត្វខ្លាសុទ្ធសាធ, បបែលរលួស មានមាត្រធំ និងមានបន្លាដូចបន្លាលួស, ឬបបែលស្លឹក មានខ្លួនស្ដើងដូចស្លឹកឈើ។ បបែលខ្លះមានទម្ងន់ដល់ទៅមួយរយគីឡូក្រាម ប៉ុន្តែតាមគេហទំព័រ Wired បានឲ្យដឹងថា ត្រីបបែលអាចធំរហូតដល់៤៨៥គីឡូក្រាម និងមានប្រវែង៤,៨ម៉ែត្រ។

ត្រីរាជ៖ ជាត្រីឥតស្រកា សន្ដានត្រីប្រា តែធំជាងត្រីទន្លេទាំងអស់ ម្ល៉ោះហើយទើបគេចាត់ទុកជា ស្ដេចត្រីក្នុងទន្លេ។ បើយោងតាមទូរទស្សន៍ National Geographic Channel ដែលប្រទះឃើញត្រីនេះនៅឆ្នាំ២០០៨ក្នុងទន្លេមេគង្គ ឲ្យដឹងថា វាមានទម្ងន់រហូតដល់២៩៣គីឡូក្រាមឯណោះ។ ប៉ុន្តែបើយោងតាមគេហទំព័រ Wikipedia ត្រីរាជនេះធំបំផុតមានប្រវែង៣,២ ម៉ែត្រ និងទម្ងន់រហូតដល់៣០០គីឡូក្រាម។ ត្រីនេះនៅតែជាម្ចាស់កំណត់ត្រាពិភពលោក Guinness World Records ជាត្រីទឹកសាបដ៏ធំបំផុតក្នុងលោក។

ត្រីផ្សោត៖ ជាមច្ឆាប្រភេទឥតស្រកា ខ្លួនធំ មានដោះសណ្ឋានស្រដៀងនឹងដោះមនុស្ស។ បើយោងតាម គេហទំព័រ Wikipedia ផ្សោតនេះមានទម្ងន់១៣០គីឡូក្រាម និងមានប្រវែង២,៣ម៉ែត្រ។ បើយោងតាមអង្គការមូលនិធិសត្វព្រៃពិភពលោក WWF តាមដងទន្លេមេគង្គរវាងប្រទេសឡាវ និងកម្ពុជា គេរាប់ឃើញសត្វផ្សោតនេះមានមិនដល់១០០ក្បាលផង។ ត្រីផ្សោតទន្លេមេគង្គនេះ ជាប្រភេទមច្ឆាកម្រ។