ព្រឹត្តិការណ៍​ប្រកួត​ស្វែងរក​ជើងខ្លាំង​តាម​តំបន់​ប្រចាំ​ឆ្នាំ ២០១៤ បាន​រំកិល​ខ្លួន​កាន់តែ​ជិត​ខិត​​មែនទែន​ហើយ។ ទន្ទឹម​នឹង​នេះ YaOun ប្រធាន​ក្រុម NeverCare ដែល​បាន​ដឹកនាំ​ក្រុម NeverCare ឲ្យ​ទទួល​បាន​លទ្ធផល​ល្អៗ​ជា​ច្រើន ទាំង​លើ​ឆាក​ប្រកួត​ក្នុង​ស្រុក និង​លើ​ឆាក​ប្រកួត​អន្តរជាតិ បាន​អញ្ជើញ​ជើងខ្លាំង​ដទៃ​ទៀត ក៏​ដូចជា​ទស្សនិកជន​ឲ្យ​ចូលរួម​គាំទ្រ CCC 2014 ឲ្យ​បាន​ច្រើន​កុះករ​ផង​ដែរ។

អាន៖ មាន​ខិត្តប័ណ្ណ CCC 2014 មួយ​សន្លឹក ដូច​មាន ៥.០០០ រៀល​ក្នុង​ដៃ​អីចឹង

តើ CCC 2014 មាន​អ្វី​អស្ចារ្យ​ខ្លះ បាន YaOun ហ៊ាន​អញ្ជើញ​ប្រិយមិត្ត​ទាំងអស់​គ្នា​ឲ្យ​ចូលរួម​ចឹង?

រង្វាន់​ជា​សាច់ប្រាក់​សុទ្ធ​សរុប ១២.០០០ ដុល្លារ​សម្រាប់​អ្នក​ប្រកួត

រង្វាន់​ជា​សាច់ប្រាក់​សុទ្ធ​រហូត​ដល់​ទៅ​ចំនួន ១២.០០០ ដុល្លារ​អាមេរិក​នឹង​ត្រូវ​ប្រគល់​ជូន​ជើងខ្លាំង​ទាំង ៤ តំបន់​ដែល​មាន​សមត្ថភាព​ប្រយុទ្ធ​ខ្លាំង​ពិតប្រាកដ​អាច​ផ្ដួល​ដៃគូ​ប្រកួត​ជាហូរហែ​តាំងពី​វគ្គ​ជម្រុះ​រហូត​ដល់​វគ្គ​ផ្ដាច់ព្រ័ត្រ។ បន្ថែម​ពី​រង្វាន់​ជា​សាច់ប្រាក់​សុទ្ធ ម្ចាស់​ជយលាភី​លេខ និង​លេខ ២ ប្រចាំ​សេវា​កម្សាន្ត AK និង Age Of Naga ក្នុង​តំបន់​នីមួយៗ​ក៏​នឹង​ទទួល​បាន​រង្វាន់​ជា Sabay Coin ចំនួន ២ ម៉ឺន Sabay Coin ដែល​មាន​តម្លៃ​ស្មើ ២ លាន​រៀល​ផង​ដែរ។

ស្ដាប់​ចម្រៀង​ដែល​និពន្ធ និង​ច្រៀង​ដោយ​កូនខ្មែរ

CCC 2014 មិន​ត្រឹម​ជា​ឆាក​ប្រកួត E-Sport ដ៏​រន្ធត់​នោះ​ទេ តែ​វា​ក៏​ជា​ឆាក​ប្រគំ​តន្ត្រី​ដ៏​អស្ចារ្យ​ផង​ដែរ ព្រោះ​ប្រិយមិត្ត​ដែល​បាន​ចូលរួម​ដោយ​ផ្ទាល់​នឹង​មាន​ឱកាស​ស្ដាប់​នូវ​បទ​ចម្រៀង​ពីរោះ​ថ្មីៗ និពន្ធ និង​បង្ហើប​សំនៀង​ពិតៗ​ដោយ​ផ្ទាល់​ពី​ម្ចាស់​ជយលាភី Hear My Song ទាំង ៣ រូប រួម​ទាំង​លោក Jimmy Kiss ម្ចាស់​បទ "Baby I'm Sorry" ផង​ដែរ។

បទពិសោធន៍​ប្រកួត​ដ៏​អស្ចារ្យ

ប្រិយមិត្ត​ទាំងអស់ ជាពិសេស​គឺ​អ្នក​កម្សាន្ត AK និង AoN មាន​ឱកាស​ទទួល​បាន​បទពិសោធន៍​ប្រយុទ្ធ​ល្អៗ ថ្មីៗ ប្លែកៗ​ជាច្រើន ពី​ជើងខ្លាំង​ដែល​មាន​វត្តមាន​ប្រកួត​នៅ​លើ​ឆាក E-Sport ដែល​បទពិសោធន៍​ទាំង​នោះ អាច​ធ្វើ​ឲ្យ​ប្រិយមិត្ត​ទទួល​បាន​សេចក្ដី​រំភើប​សប្បាយរីករាយ ក៏​ដូចជា​ជ័យជម្នះ​នៅ​ពេល​កម្សាន្ត​ផង​ដែរ។

រង្វាន់​ជា​សម្ភារៈ​បច្ចេកវិទ្យា​សម្រាប់​អ្នក​ចូលរួម​គ្រប់រូប

បន្ថែម​ពី​បទពិសោធន៍​ប្រយុទ្ធ និង​ការ​ប្រគំ​តន្ត្រី ប្រិយមិត្ត​ទស្សនិកជន​ទាំងអស់​ដែល​បាន​បង្ហាញ​វត្តមាន​នៅ​សមរភូមិ​ប្រយុទ្ធ​ដោយ​ផ្ទាល់​ក្នុង​ខេត្ត​នីមួយៗ នឹង​មាន​ឱកាស​ទទួល​បាន​រង្វាន់​ជា​សម្ភារៈ​បច្ចេកវិទ្យា​ជា​ច្រើន​ពី​ការ​ផ្ញើ​សារ​ផ្សង​សំណាង​ផង​ដែរ ដែល​រង្វាន់​ទាំង​នោះ​រួម​មាន PowerBank ១៥ រង្វាន់, Bluetooth Speaker ១២ រង្វាន់, Flash 32GB ៩ រង្វាន់, នាឡិកា​ដៃ Guess ១៥ រង្វាន់ និង​រង្វាន់​ធំ​ពិសេស​ចុងក្រោយ​គឺ Laptop HP ចំនួន ៣ រង្វាន់។

ឱកាស​ជួប​មិត្ត​រួម Clan និង​មិត្ត​រួម Guild ដោយ​ផ្ទាល់

នេះ​គឺជា​ឱកាស​មាស​ថ្មី​មួយ​សម្រាប់​អ្នក​កម្សាន្ត AK និង AoN ទាំងអស់​ក្នុង​ការ​ណាត់​ជួប​ស្គាល់​មុខ និង​រាប់អាន​គ្នា​ជា​មិត្តភ័ក្ដិ​នៅ​ក្នុង​សង្គម​ពិតៗ ក្រោយ​ពី​អ្នក​ទាំងអស់​គ្នា​បាន​ស្គាល់ រាប់អាន និង​ជជែក​កម្សាន្ត​ជាមួយ​គ្នា​យ៉ាង​ស្និទ្ធ​តាម​រយៈ​សេវា​កម្សាន្ត​នានា​រួច​មក។

ចង់​ដឹង​អស្ចារ្យ​យ៉ាង​ណា សូម​ទស្សនា​វីដេអូ​ ចុច​ទីនោះ​ដើម្បី​ទស្សនា​វីដេអូ........

អូ! ការពិត CCC 2014 មាន​របស់​ពិសេស​ច្រើន​អីចឹង​តា៎ បាន​យុវវ័យ​ជា​ច្រើន​ចង់​ចូលរួម។ ចូល​មើល​ហ្វ្រីៗ​ហើយ​មាន​ឱកាស​ទទួល​ផលប្រយោជន៍​ជាច្រើន​ទៀត៕

អត្ថបទ៖ ភីឆាយ