អតីត​កីឡាករ​បាល់​ទាត់​ល្បី​លំដាប់​ពិភពលោក David Beckham ថ្មីៗនេះ ត្រូវសារព័ត៌មាន​ទម្លាយ​ថា លោក​ចង់​បាន​សមាជិក​គ្រួសារ​​ម្នាក់​ទៀត ប៉ុន្តែ Victoria ដែល​ជា​ភរិយាហាក់​​នៅ​មិន​ទាន់​ច្បាស់ និង​ពេញ​ចិត្ត​ចំពោះគំនិតនេះទេ ព្រោះនាង​ខ្លាច​ប៉ះពាល់​ដល់​សុខភាព ខណៈ​អាយុ​កាន់​តែ​ជ្រេ។

ប្រភព​ដ៏​ទុកចិត្ត​មួយ​បង្ហើប​ថា អាយុ​និង​ការ​មាន​ផ្ទៃពោះ​ជា​បញ្ហា​ចម្បង ដែល​អ្នក​រចនា​ម៉ូដ និង​តារា​ចម្រៀង​វ័យ​៤០​ឆ្នាំ Victoria ព្រួយ​បារម្ភ។ ម្ដាយ​មាន​អាយុ​ច្រើន តែង​ជួប​បញ្ហា​ពេល​ពពោះ ឬ​សម្រាល​កូន​ម្ដងៗ។

ទោះ​យ៉ាងណា​កីឡាករ​ចូល​និវត្តន៍​អាយុ​៣៩​ឆ្នាំ នៅ​តែ​​ចូលចិត្ត និង​ចង់​បាន​សមាជិក​​គ្រួសារ​ម្នាក់​ទៀត​។ សព្វថ្ងៃ David Beckham និង អ្នកជំនួញ​ល្បី​ឈ្មោះ Victoria Beckham មាន​កូន​បួន​នាក់ក្នុង​បន្ទុក ដោយ​កូន​ប្រុស​ទី​១​ឈ្មោះ Brooklyn ១៥ឆ្នាំ កូន​ប្រុស​ទី​២​ឈ្មោះ Romeo ១១ឆ្នាំ កូនប្រុស​ទី៣​ឈ្មោះ Cruz ៩ឆ្នាំ និង​កូន​ស្រី​ពៅ​ឈ្មោះ Harper អាយុ​៣​ឆ្នាំ៕

ចុចអាន កូន​​​ស្រី​​ប្រពន្ធ​​ក្រោយ​​រ៉ាំបូ ស្អាតៗណាស់តើ!

ប្រែ​សម្រួល៖ អ៊ុំ សុភក្តិ ប្រភព៖ Hollywoodlife