Henry វីរបុរស Arsenal ចូលនិវត្តន៍មែនទែនហើយ
- 2014-12-16 22:35:26
- ចំនួនមតិ 0 | ចំនួនចែករំលែក 0
Henry វីរបុរស Arsenal ចូលនិវត្តន៍មែនទែនហើយ
ចន្លោះមិនឃើញ
Thierry Henry អតីតកីឡាករជម្រើសបារាំង និង Arsenal បានប្រកាសចូលនិវត្តន៍ពីអាជីពបាល់ទាត់ហើយ ក្រោយចំណាយពេល២០ឆ្នាំលើទីលាន។
អតីតកីឡាករវ័យ៣៧ឆ្នាំរូបនេះ បានចាកចេញពីក្រុម New York Red Bulls កាលពីដើមខែកន្លងទៅ ប៉ុន្តែនៅពេលនោះមិនទាន់បញ្ជាក់ពីអនាគតរបស់ខ្លួននៅឡើយទេ។ ប៉ុន្តែកាលពីមួយម៉ោងមុននេះ Henry បានប្រកាសក្នុងទំព័រ Facebook ផ្លូវការរបស់ខ្លួន ថាចូលនិវត្តន៍មែនទែនហើយ។
Henry បានស៊ុតបញ្ចូលទី១៧៥គ្រាប់នៅ Premier League ស្ថិតនៅលេខរៀងទី៤ក្នុងបញ្ជីអ្នកស៊ុតចូលច្រើនបំផុត។ បុរសជនជាតិបារាំងរូបនេះ ក៏ធ្លាប់លេងនៅក្រុមធំៗផ្សេងទៀតផងដែរ ដូចជា Juventus, Barcelona និង Monaco ជាដើម។
នៅកាំភ្លើងធំ Henry ឈ្នះពាន Premier League ២ដង និង FA Cup ៣ដង ក្នុងចន្លោះឆ្នាំ១៩៩៩ ដល់ ២០០៧។ ពេលទៅលេងនៅ Barcelona រូបគេបានឈ្នះ Champions League (២០០៩)។
Henry បានចូលលេងបាល់អាជីពលើកដំបូងឲ្យក្រុម Monaco កាលពីឆ្នាំ១៩៩៤ ហើយឈ្នះពាន French Ligue 1 នាឆ្នាំ៩៩៧៕
ចុចអាន៖ Henry ប្រកាសឈប់លេងនៅអាមេរិក
ដោយ៖ សុខ សុវត្ថិ