បទថ្មី EXO រងការរិះគន់ថាចម្លងបទអាមេរិក

2014-12-17 21:25:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីអបអរឱកាសបុណ្យណូអែល ក្រុម EXO នឹងត្រៀមចេញបទថ្មី “December 2014 (The Winter’s Tale)” ជាចំណងដៃសម្រាប់អ្នកគាំទ្ររបស់ខ្លួន ។ ប៉ុន្តែគ្រាន់ចេញ Teaser ភ្លាម បទនេះត្រូវអ្នកគាំទ្រអះអាងថា បានចម្លងចេញពីបទរបស់តារាចម្រៀងអាមេរិក K. Michelle។

Hasthag នៅលើបណ្ដាញសង្គម Tumblr ដែលដាក់ថា #beoriginalSM បានធ្វើឱ្យអ្នកគាំទ្រចាប់អារម្មណ៍លើផលិតកម្មយក្ស SM Entertainment របស់ក្រុម EXO យ៉ាងខ្លាំង។ ក្រុមអ្នកគាំទ្របានរកឃើញថា វីដេអូ Teaser បទ“December 2014 (The Winter’s Tale)” ចេញនៅថ្ងៃទី១៥ ខែធ្នូ មានសាច់ភ្លេង និងស្តាយ៍ថតដូចបទ "Long Time, No See" របស់នាង K. Michelle ចេញផ្សាយលើ YouTube ក្នុងឆ្នាំ២០១២។

ទោះបីបទនេះចេញតែ Teaser បន្តិច តែក្រុមអ្នកគាំទ្រ បានសន្និដ្ឋានថា ផលិតកម្ម SM Entertainment យកបទ "Long Time, No See" ជាមូលដ្ឋានគ្រឹះពិតមែន។ បទនេះនឹងចេញជាផ្លូវការនៅថ្ងៃទី ១៩ ខែធ្នូ ឆ្នាំ២០១៤ ខាងមុខ។

ក្នុងឆ្នាំ២០១៤នេះ ផលិតកម្ម SM Entertainment ហាក់មានជម្លោះមិនចេះចប់មិនហើយ បណ្ដាលឱ្យតារាចម្រៀងប្រុសពីររូបគឺ Kris និង Luhan ដាក់ពាក្យបណ្ដឹងបញ្ចប់កុងត្រាដើរចេញពីក្រុម EXO របស់ខ្លួន៕