Zhoumi របស់ក្រុម Super Junior-M ចេញបទថ្មីជាមួយក្រុម EXO

2014-10-31 17:54:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង Zhoumi សមាជិកក្រុម Super Junior-M បានចេញបទចម្រៀងទោលដំបូងរបស់ខ្លួននៅថ្ងៃនេះ ដែលមានចំណងជើងថា "Rewind”។ សម្រាប់បទថ្មីនេះ Zhoumi បានសហការជាមួយសមាជិកក្រុម EXO ចំនួន ២រូបគឺ Chanyeol និង Tao។

“Rewind” គឺជាបទចម្រៀងចង្វាក់ R&B ដែលអត្ថន័យបង្ហាញពីអារម្មណ៍បុរសម្នាក់ ដែលចង់ឲ្យពេលវេលាត្រលប់ក្រោយ បន្ទាប់ពីបែកបាក់ពីគូស្នេហ៍របស់គេ។ តារាវ័យ ២៨ឆ្នាំ Zhoumi បានចេញបទនេះជាពីរភាសាព្រមគ្នាគឺភាសាកូរ៉េ និងភាសាចិន ដែលក្នុងនោះ Chanyeol បានច្រៀងក្នុងវគ្គរ៉េប សម្រាប់បទចម្រៀងភាសាកូរ៉េ ចំណែក Tao ជាអ្នករ៉េបក្នុងបទចម្រៀងជាភាសាចិន។

Zhoumi នឹងឡើងសម្ដែងបទនេះនៅលើឆាកតន្ត្រី "Music Core” របស់ទូរទស្សន៍ MBC នៅថ្ងៃសៅរ៍ សប្ដាហ៍នេះ។

តារាចម្រៀងសញ្ជាតិចិន Zhoumi គឺជាសមាជិកមួយរូបក្នុងចំណោមសមាជិកទាំង ៨រូបរបស់ Super Junior-M ដែលក្រុមរបស់គេបានចេញបទចម្រៀងដំបូងបទ "U" កាលពីឆ្នាំ២០០៨។

ទស្សនាបទចម្រៀងទោលដំបូងរបស់ Zhoumi ខាងក្រោមនេះ៖

“Rewind” ជាភាសាកូរ៉េ៖ http://youtu.be/dNT6UBDYjoQ

“Rewind” ជាភាសាចិន៖ http://youtu.be/YRk6djub7V4