មែនក៏អី!...តារាសម្ដែង ប៊ើរី ចង់ឈប់ពីសិល្បៈទៅហាត់ប្រដាល់វិញ?

2014-12-18 13:18:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៊ើរី មានបំណងចង់ឈប់ពីការសម្ដែងសិល្បៈ និងចង់ងាកទៅហាត់ប្រដាល់ក្បាច់គុនបុរាណខ្មែរវិញម្ដង។ ព័ត៌មាននេះត្រូវបានទម្លាយចេញលើWallនៃបណ្ដាញសង្គមនៃតារាសម្ដែងខាងលើ កាលពីម្សិលមិញ។

ប៊ើរី បានសរសេរថា៖" អារម្មណ៍នៅពេលដែលឃើញកីឡាករប្រដាល់ខ្មែរត្រូវសន្លប់ដោយជនបរទេស ចង់តែឈប់ពីសិល្បៈ ហ្វឹកហាត់ប្រដាល់វិញ"។ ជាមួយគ្នានោះ មានអ្នកគាំទ្រមួយចំនួន បានសម្ដែងការគាំទ្របំណងរបស់តារារូបនេះ។ ប៉ុន្តែក៏មានអ្នកខ្លះទៀត មិនបានគាំទ្រនោះទេ ក្នុងហេតុផលថា នៅសិល្បៈល្អជាង មិនបាច់ឈឺសាច់។

ប៉ុន្តែនៅព្រឹកនេះ ប៊ើរី បានច្រានចោលព័ត៌មានខាងលើទៅវិញ។ សាមីខ្លួនបានប្រាប់Sabayថា មិនដែលមានបំណងចង់ចាកចេញពីសិល្បៈ ហើយងាកទៅចាប់យកអាជីពប្រដាល់នោះទេ។ ព្រោះខ្លួនមិនមានកាយសម្បទាមាំមួន ដែលអាចប្រកបអាជីពនោះទេ។ ចំពោះសំណេរខាងលើ ប៊ើរី ថា បងប្រុសរបស់គេជាអ្នកសរសេរទៅវិញ ក្នុងនាមជាអ្នកកាន់

Pageនេះ។

តារាសម្ដែងរូបនេះបញ្ជាក់៖“ការពិតទៅ ខ្ញុំស្រលាញ់ចូលចិត្តក្បាច់គុនខ្មែរណាស់ មើលដាច់បាយដាច់ទឹកក៏មានដែរ ជាពិសេសគូខ្មែរប្រកួតជាមួយថៃ"។ ទោះបីជាត្រូវទៅសម្ដែងនៅតាមខេត្តយ៉ាងណាក្ដី ប៉ុន្តែរូបគេនៅតែស្វែងរកតាមYoutube ដើម្បីមើលការប្រកួតឡើងវិញទាល់តែបាន ស្ទើរតែគ្មានគូណាមួយរំលងឡើយ។

រូបគេអះអាងថា កំពុងមានគម្រោងទៅហាត់ប្រដាល់ឆាប់ៗនេះ ប៉ុន្តែមិនមែនដើម្បីប្រកួតនោះទេ គ្រាន់តែជាការរួមចំណែកថែរក្សា និងដើម្បីសុខភាពរាងកាយមាំមួនប៉ុណ្ណោះ៕

អានអត្ថបទ៖ តារាណាខ្លះមានបងប្អូនបង្កើតកំពុងសាងកេរ្តិ៍ឈ្មោះក្នុងសិល្បៈ?

អានអត្ថបទ៖ ប៊ី សុទ្ធារី ជាប់ពានពីរនៅថៃ!

អានអត្ថបទ៖ កូនខ្មែរ២រូបឡើងGot Talent យប់មិញពិតជារញ្ជួយឆាក

អត្ថបទ៖ សំ ជំនាញ