ពេល​នេះ​ក្រុមហ៊ុន Microsoft បាន​បញ្ចេញ Lumia Denim ឲ្យ​អ្នក​ប្រើ​ប្រាស់​សែស្រឡាយ Smartphone Lumia នៅ​ចិន​ធ្វើ​ការ​ Update បាន​​ហើយ។

ត្រកូល Lumia នៅ​ចិន​ដែល​អាច​ទទួល​ការ​ Update ឡើង​ទៅ Lumia Denim  នោះ​មាន​ដូចជា Lumia 520, Lumia 525, Lumia 526, Lumia 625, Lumia 720, Lumia 720T និង Lumia 1320។ Lumia Denim នាំ​មក​នូវ​មុខងារ​ថ្មី​ៗ​ជា​ច្រើន​ដើម្បី​បំពេញ​តាម​តម្រូវ​ការ​អ្នក​ប្រើ​ប្រាស់​ Smartphone​ ត្រកូល​ Lumia ទាំង​អស់។ ចំពោះ​មុខងារ​មួយ​ដែល​ពិសេស​នៅ​ក្នុង Lumia Denim នោះ​គឺ​​អ្នក​អាច​ដំណើរ​ការ​ Cortana បាន​ដោយ​គ្រាន់​តែ​និយាយ​ថា "Hey Cortana” ​ដោយ​មិន​ចាំ​បាច់​ចុច​ប៊ូតុង​ដូច​មុន​ទេ​។

ក្រៅ​ពី​នេះ​ក៏​មាន​ការ​កែ​ប្រែ​មួយ​ចំនួន​ទៅ​លើ Lumia Camera ផង​ដែរ​ ដោយ​វា​ជួយ​ពន្លឿន​ល្បឿន​ថត​រូប​កាន់​តែ​លឿន​ជាង​មុន​​។ ចំពោះ Lumia ម៉ូដែល​មួយ​ចំនួន​នឹង​​អាច​ឲ្យ​អ្នក​ថត​វីដេអូ​ក្នុង​កម្រិត 4K និង​ថត​រូបភាព​ចេញ​ពី​វីដេអូ​នោះ​បាន​យ៉ាង​ច្បាស់​ក្នុង​កម្រិត HD តាម​រយៈ​មុខ​ងារ Moment Capture៕

*បញ្ជាក់​៖ សម្រាប់​អ្នក​ប្រើ​ប្រាស់​នៅ​តាម​បណ្ដា​​ប្រទេស​ផ្សេង​ទៀត​ក្រៅ​ពី​ប្រទេស​ចិន​នឹង​អាច Update ទៅ Lumia Denim នៅ​ពេល​ឆាប់​ៗ​ខាង​មុខ។​ ប៉ុន្តែ​ប្រិយមិត្ត​គួរ​តែ​ឧស្សាហ៍​ចូល​ទៅ Settings ហើយ​ចូល​ទៅ Phone update > Check for updates ដើម្បី​​ប្រាកដ​ថា​តើ​ Lumia របស់​អ្នក​អាច​ Update ទៅ​កាន់ Lumia Denim ​បាន​ឬ​នៅ។ Sabay នឹង​ផ្ដល់​ជូន​ព័ត៌មាន​ជា​បន្ត​ទៀត​ពេល​ដែល Lumia Denim អាច​ Update បាន​នៅ​ក្នុង​ប្រទេស​កម្ពុជា។ ​​​

អាន៖ Gestures​ ​​សម្រាប់​ Windows Phone​ ​​ទទួល​ទូរសព្ទ​​ដោយ​មិន​បាច់​ប៉ះ​អេក្រង់!

​​​​​​​​ប្រែ​សម្រួល៖ ប៉ែត ផាន់និត ប្រភព៖ windowscentral