ផ្អើលពេញយន្តហោះលើអាកាស ព្រោះនារីបីនាក់វាយគ្នា

2014-12-19 16:03:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងហោះហើរមួយរបស់ប្រទេសចិន ដែលកំពុងធ្វើដំណើរពីក្រុង Chongqing ទៅហុងកុង ប៊ិះតែនឹងត្រូវចុះចតបន្ទាន់ទៅហើយ បន្ទាប់ពីអ្នកដំណើរស្រីបីនាក់មានជម្លោះនឹងគ្នារហូតដល់ប្រើហិង្សា។ ហេតុការណ៍នេះ បានកើតឡើងលើជើងហោះហើរ CA433 កាលពីថ្ងៃទី១៧ ខែធ្នូ កន្លងទៅ។

ជម្លោះនេះកើតឡើង ដោយសារអ្នកដំណើរស្រីពីរនាក់រអ៊ូរទាំពីរឿងសំឡេងក្មេងរំខាន នៅកៅអីខាងក្រោយ។ បន្ទាប់មកអ្នកនៅកៅអីក្រោយដែលមានកូនជាប់ខ្លួន ក៏រករឿងអ្នកនៅអង្គុយកៅអីខាងមុខវិញ ហើយក៏កើតជាជម្លោះកាន់តែខ្លាំងឡើងៗ រហូតដល់វាយតប់គ្នា។ អាកាសយានិក បានព្រមានថា ប្រសិនបើអ្នកដំណើរជនជាតិចិនទាំងនោះ មិនបញ្ឈប់ជម្លោះទេ គេនឹងធ្វើការចុះចតបន្ទាន់។

បន្ទាប់ពីមានការវាយតប់គ្នាបន្តិចរួចមក អ្នកដំណើរទាំងបីនាក់នោះ ត្រូវគេជួយបំបែកវិញ ហើយយន្តហោះក៏បន្តហោះហើរទៅមុខទៀតរហូតដល់គោលដៅដោយសុវត្ថិភាព។ ពេលចុះចតនៅព្រលានយន្តហោះហុងកុង គេបានរាយការណ៍ទៅប៉ូលិស ដើម្បីមកដោះស្រាយរឿងនេះ៕

ចុចអាន៖ ឡានស្ទូចរលំលើផ្ទះ ពេលកំពុងសុំមិត្តស្រីរៀបការ (វីដេអូ)

ប្រែសម្រួល៖ គង់ វិសាល ប្រភព៖ dailymail